तर,यस बिषयलाई लिएर भारतीय अदालतमा मुद्दा परेको छ । खासगरी बलिउड अभिनेत्री जुही चावलाले फाइभजी प्रविधि विरुद्ध दिल्ली उच्च अदालतमा रिट दर्ता गराएकी छिन् । चावलाले रिटमा फाइभजी स्वास्थ्यका लागि कति सुरक्षित छ भन्ने विषयमा जाँच गर्न सरकारलाई आदेश दिनुपर्ने मा गरेको बताइएका छ ।
नेपालमापनि यो बहसको बिषय बनेको छ भने यसको असर अध्ययन गर्न एक समिति समेत गठन भएको छ ।
भारतीय मिडियाका अनुसार अभिनेत्री चावललाले करिब ५ हजार पृष्ठ लामो उक्त रिट सञ्चार विभाग,विज्ञान तथा इन्जिनियरिङ अनुसन्धान बोर्ड, इन्डियन मेडिकल रिसर्च काउन्सिल, केन्द्रीय प्रदुषण नियन्त्रण बोर्ड, केही विश्वविद्यालय र विश्व स्वास्थ्य संगठनलाई विपक्षी बनाएकी छिन् ।
नयाँ नयाँ यस्ता प्रविधिले मानिसको स्वास्थयको लागि धेरै हानीकारक रहेको र सरकारले खतरा समेत नरहेको पुष्टि नगरेको भन्ने बिषयमा रिट समावेश गरिएको छ । खासमा सरकारले यो प्रविधिबाट कुनै पनि खतरा नरहेको पुष्टि नगरेसम्मका लागि यसमाथि रोक लगाउनुपर्ने हाम्रो माग छ ।
रिटमा भनिएको छ, ‘यदि नेटवर्क प्रदायकको फाइभजीको योजना कामयाव भयो भने, कुनै पनि व्यक्ति, जनावर वा बनस्पति हरेक क्षण आउने रेडियसनबाट जोगिन सक्ने छैनन् र यस्तो विकिरणको स्तर अहिलेभन्दा १० देखि १०० गुणा बढी हुनेछ ।’
यस अघिपनि विश्वमा यस बिषयमा ठूलो बहस रुपमा आएको थियो । चावलाले यति धेरै मोबाइल टावरका कारण उनको चिन्ता बढैको थियो भन्ने कुरा बताएकी छिन् ।फाइभजी नेटवर्क चीन, दक्षिण कोरिया, अमेरिका, युरोप जस्ता कयौं देशमा यस अघि देखि नै सञ्चालनमा आइसकेको छ ।
तर विश्वका कतिपय भागमा फाइभजीको आधारभूत सेवाका कारण रेडियो विकिरण उत्सर्जन बढ्ने चिन्ता छ । जसबाट क्यान्सर जस्ता रोग लाग्न सक्छन् । रिटमा फाइभजीबाट हुनसक्ने सम्भावित खतराको जिकिर गरिएको छ । त्यसमा बेल्जियमको हवाला दिइएको छ ।
एजेन्सी
