ग्रामीण दूरसञ्चार विकास कोष परिचालन गरी ब्रोडब्याण्ड सेवा उपलब्ध गराउने १८ ओटा प्याकेजमध्ये १५ ओटा प्याकेजहरु मार्फत् ६० जिल्लाहरुमा तोकिए बमोजिमका स्थानहरुम काम सकिएको छ ।
यस्तै अन्य २ ओटा प्याकेज मार्फत् १० जिल्लाहरुमा तोकिए बमोजिमका स्थानहरुमा ५० प्रतिशतभन्दा बढी काम सकिएको प्राधिकरणले जनाएको छ ।
साथै २ ओटा प्याकेजहरु मार्फत् ९ जिल्लाहरुमा तोकिए बमोजिमका स्थानहरुमा नेटवर्क तथा कनेक्टिभिटी जडानको लागि सेवा प्रदायकहरु छनोट भइ निर्माण कार्य भइरहेको छ।
सम्पन्न भएका परियोजनाहरु मध्ये हालसम्म ६ वटा परियोजनाको अनुगमन तथा प्रमाणीकरणको काम सम्पन्न भइसकेको छ।
त्यस्तै एउटा परियोजनाहरुको प्राधिकरणबाट नियुक्त परामर्शदाताहरुबाट पहिलो चरण अन्तर्गतको अनुगमन तथा प्रमाणीकरणको काम भइरहेको छ।
प्राधिकरणका अनुसार हालसम्म १३ हजार ७ सय साइटमा ब्रोडव्यान्ड परियोजनाको काम सम्पन्न भइ सेवा हस्तान्तरण समेत भइसकेको छ ।
त्यस्तै स्थानिय नियायको कार्यालय, वडा कार्यालय, माध्यमिक विद्यालय तथा स्वास्थ्य सस्था गरी अब २ हजार दुई सय ८२ साइटमा मात्रै ब्रोडव्यान्ड इन्टरनेट जडान र सेवा उपलब्ध गराउन बाँकी छ ।
प्राधिकरणले अहिलेसम्म ब्रोडव्यान्ड परियोजना ठेक्का पाउन इन्टरनेट कम्पनीहरुलाई ५ अर्ब ६७ करोड ४६ लाख भुक्तानी गरिसकेको जनाएको छ । अर्को तर्फ नेपालको अप्टिकल फाइबर विस्तार भने भौतिक प्रगति हुन सकेको छ ।
नेपाल टेलिकम र युटिएलले जिम्मा लिएका उक्त परियोजनामा लक्ष्य अनुसार काम हुन सकेको छैन ।