घर बहाल करमा छुट प्राप्त गर्न सम्बन्धित घरधनी र बहालमा लिने प्राकृतिक वा कानुनी व्यक्तिका बीच भएको बहाल सम्झौता अनिवार्य पेश गर्नुपर्ने महानगरले जनाएको छ ।
त्यस्तै महानगरले काठमाडौंभर भीडभाड हुने तथा सार्वजनिक शौचालयको अभाव रहेको स्थानका होटल,रेष्टुरेन्ट पसल जस्ता व्यवसायहरुले आफ्नो प्रयोजनका लागि बनाएका शौचालयमा सर्वसाधारणका लागि समेत निःशुल्क सेवा दिने र त्यस्ता व्यवसायमा लाग्ने व्यवसाय करमा थप ५० प्रतिसत छुट दिने भएको छ ।
त्यसैगरी आर्थिक वर्ष २०७६÷७७ देखि कर वक्यौतामा लाग्ने जरिवान सबै छुट गरेको छ भने सम्पत्ति करमा ९० प्रतिसतसम्म छुटको व्यवस्था गरेको छ ।