समितिले बीमा ऐन २०४९ को दफा २७ विपरित उधारो बीमा गर्ने वा बीमाशुल्क वापतको रकम बीमकको बैंक खातामा प्राप्त नभइकन बीमालेख जारी गर्ने कार्य नगर्न/ नगराउन बीमा कम्पनीहरुलाई निर्देशन समेत दिएको छ ।
बीमा समितिको निर्देशन विपरित बीमा गर्ने/गराउने कार्य भए गरेको पाइएमा कानुन बमोजिम कारवाही गर्ने समितिले जनाएको छ ।
बीमा ऐन २०४९ को दफा २७ मा 'कुनै पनि बीमकले कुनै पनि किसिमको बीमा व्यवसाय गर्दा लिइने बीमा वापतको शुल्क रकम प्राप्त नभएसम्म बीमा जोखिम स्वीकार गर्नु हुदैन । बीमकले जोखिम ग्रहण गरे वापत बीमाशुल्क रकम प्राप्त गरेपछि मात्रै बीमा गरेको मानिने छ' भन्ने व्यवस्था उल्लेख छ ।
त्यस अनुसार समितिले बीमाशुल्क रकम सम्बन्धित बीमा कम्पनीको बैंक खातामा आएपछि मात्रै बीमालेख जारी गर्न निर्देशन दिएको हो ।