सानिमा माई हाइड्रोपावरले प्रस्ताव गर्यो लाभांश, कार्तिक ७ गते साधारणसभा

Sep 10, 2021 11:00 AM Merolagani



सानिमा माइ हाइड्रोपावर (SHPC) ले गत आर्थिक वर्षको कमाइबाट शेयरधनीहरुलाई वितरण गर्ने लाभांश प्रस्ताव गरेको छ।

कम्पनीको भदौ २४ गते बसेको सञ्चालक समितिको बैठकले शेयरधनीहरुलाई गत आर्थिक वर्षको कमाइबाट चुक्ता पूँजीको १० प्रतिशत बोनश शेयर र कर प्रयोजनको लागि ०.५२६३ प्रतिशत नगद लाभांश वितरण गर्ने प्रस्ताव गरेको हो।

साथै बैठकले लाभांश पारित गर्न आगामी कार्तिक ७ गते कम्पनीको दशौं वार्षिक साधारण सभा गर्ने निर्णय गरेको छ।

लाभांश वितरण तथा साधारण सभा प्रयोजनको लागि कम्पनीले असोज १८ गते १ दिनको लागि बुकक्लोज गर्ने जनाएको छ। असोज १७ गतेसम्म कायम शेयरधनीले कम्पनीले वितरण गर्ने लाभांश र साधारण सभामा भाग लिन पाउनेछन्।

 




आठ दिनपछि आयाे सुनको मूल्य, कतिमा हुँदैछ कारोबार ?

Jul 11, 2025 11:30 AM

नेपाली बजारमा सुन र चाँदीको मूल्य आठ दिनपछि आएकाे छ । बिहीबार सरकारसँग ६ बुँदे सहमति भएपछि आज शुक्रबार सुनको मूल्य आएकाे हो । सुन चाँदी व्यवसायीहरुले गरेको आन्दोलन कारण गत असार १९ गते बिहीबारदेखि सुनको मूल्य आएको थिएन ।