कुलमानले तोकेकै पोलभाडा शुल्कमा उर्जामन्त्री भुसालको समर्थन,मन्त्री भेटेपछि आइस्पान प्रतिनिधि निरास

Sep 14, 2021 01:46 PM merolagani

युवराज बस्नेत

नेपाल विद्युत प्राधिकरणले आफ्नो संरचना प्रयोग गरेबापत बढाएको पोलभाडा शुल्कमा उर्जा तथा जलस्रोत मन्त्री पम्फा भुसालले पनि समर्थन गर्दै इन्टरनेट सेवाप्रदायक संघ आइस्पानलाई तोकिएको शुल्क बुझाउनुपर्ने बताएकी छिन ।

२०७५ साउनमा कुलमान घिसिङ नै कार्यकारी निर्देशक रहँदा विद्युत प्राधिकरणको पोल प्रयोग गरेर सेवा दिइरहेका इन्टरनेट सेवाप्रदायक कम्पनीले तिर्नुपर्ने भाडादर बढाएका थिए ।

सो बढेको भाडादर दूरसञ्चार ऐन विपरित रहेको भन्दै नीजि क्षेत्रका सबै सेवाप्रदायक विगत तीन बर्षदेखि बिरोध जनाउदै आएका छन ।

आफ्नो संरचना प्रयोग गरेबापत नेपाल विद्युत प्राधिकरणले बढाएको पोलभाडा शुल्क दर बिषयमा आफुहरुलाई अन्याय भएको भन्दै आइतबार आइस्पानका पदाधिकारीहरुले उर्जामन्त्री पम्फा भुसालसँग भेटवार्ता गरेका थिए । उक्त वार्तामा सेवाप्रदायकको मुख्य एजेन्डा नै पोलभाडा शुल्क थियो ।

उक्त छलफलमा सहभागी एक आईस्पानका पदाधिकारीले कुलमान घिसिङको पोलभाडा बढाउने निर्णयको समर्थन गरेको बताए । ‘हामीले बढेको पोलभाडा तिर्न नसक्ने र यो बिषयमा मन्त्रीज्युले पुनरावलोकन गर्न अनुरोध गरेका थियौं’ ती अघिकारीले भने ‘ तर मन्त्री नै विपक्षी जस्तो हुनुभयो’ ।

उनका अनुसार २०७५ सालमा बढेको पोलभाडा अनुसार नै संरचना प्रयोग बापतको रकम बुझाउन मन्त्री भुसालले निर्देशन दिएका थिए ।

मन्त्रीको भनाई उदृत गर्दै ती अघिकारीले भने‘ मन्त्री ज्यूले तिर्न बाँकी रकम बढेको भाडादर अनुसार नै तिर्नुपर्ने र आगामी दिनमा कसरी, कुन मोडलमा पोलभाडा विवाद समस्याको समाधान गर्ने भन्ने बिषयमा कमिटि बनाएर जानुपर्ने छ’ । योसँगै मन्त्रालय स्तरबाटै आइस्पानले बढेको शुल्क तिनुपर्ने निष्कर्ष निकालेको छ ।

यसअघि पनि सूचना तथा सञ्चार मन्त्रालयका सहसचिवको संयोजकत्वमा  एउटा कमिटी बनेको थियो । दूरसञ्चार प्राधिकरण, विद्युत प्राधिकरण, आईस्पान लगाएत एक एक प्रतिनिधि उक्त कमिटिमा थिए ।

सो कमिटिले ५०० प्रतिशत बढेको पोलभाडालाई घटाएको थियो । तर, आईस्पानले उक्त घटेको भाडादरलाई पनि महंगो भएको भन्दै पुनः विरोध जनाएको छ ।

पोलभाडाको बिषयमा दूरसञ्चार क्षेत्रको नियामक निकाय दूरसञ्चार प्राधिकरणलेपनि एनईएले बढाएको शुल्क दूरसञ्चार ऐन विपरित भएको बताएको छ । विद्युत प्राधिकरण भने बढेको भाडादर नै तिनुपर्ने भन्दै सेवाप्रदायकलाई ताकेता गर्दै आएको छ ।

प्राधिकरणले लागु गरेको नयाँ भाडादर अनुसार, ओपीजीडब्लू फाइबरको लागि बिद्युतका पोल प्रयोग गरेबाट प्रति किलोमिटर प्रतिवर्ष ३० हजार रुपैयाँ कायम गरेको छ ।

त्यस्तै, विद्युतको ३३ केभी र ११ केभी प्रशारण लाइनका पोलहरुमा ब्याकबोन केबल राखेबापतमा दूरसञ्चार, इन्टरनेट सेवा प्रदायकहरु र केबल टिभी सेवा प्रदायकहरुले ३० वर्षका लागि एकमुष्ट रकम तिर्दै आएकोमा अब प्रति वर्ष प्रति केबल १० हजार देखि १६ हजार रुपैयाँको बीचमा तिर्नुपर्ने भएको छ ।

शुल्क दर अनुसार, महानगर र उपमहानगरमा पोल भाडा २४ कोरको प्रयोग गरेमा प्रति वर्ष प्रति किमी ९ हजार रुपैयाँ तिर्नु पर्नेछ ।

त्यस्तै, २५ देखि ४८ कोरसम्मको भाडा १२ हजार रुपैयाँ र त्यसभन्दा माथिको भाडा १३ हजार रुपैयाँसम्म हुने बताइएको छ । नगरपालिका र गाउँपालिकामा भने प्रति किलोमिटर प्रति वर्ष ७ हजार रुपैयाँसम्म भाडा तोकिएको छ ।

नयाँ मूल्यमा प्रत्येक ५/५ वर्षमा भाडा रेट ५ प्रतिशतको दरले भाडा वृद्धि हुने प्राधिकरणले जनाएको छ । इन्टरनेट सेवा प्रदायक संघ नेपाल (आइस्पान) ले भने विद्युत प्राधिकरणले जारी गरेको पोल भाडादर महँगो भएको भन्दै स्वीकार्य नहुने निर्णय गरेको छ ।

comments powered by Disqus

विचौलियालाई पोस्न आफ्नै सवारी प्रयोग गरेर ट्रायल दिन पाइने व्यवस्था खारेज

Sep 22, 2021 02:35 PM

युवराज बस्नेत

यातायात विचौलियालाई फाइदा पुग्ने गरी यातायात व्यवस्था विभागले आफ्नै सवारीसाधन प्रयोग गरेर सवारी अनुमति पत्रको लागि ट्रायल परिक्षा दिन पाइने व्यवस्था खारेज गरेको छ ।