नेपाल बैंकर्स एशोशियसनको तथ्याँक अनुसार गत साता बैंकहरुको निक्षेप संकलन २६ अर्ब रुपैयाँले बढेको छ। भदौ पहिलो साता ७ अर्बले घटेको निक्षेप संकलन दोस्रो साता ८ अर्ब रुपैयाँले बढेको थियो। तेस्रो साता ४ अर्ब बढेको थियो भने चौथो साता १६ अर्ब रुपैयाँले बढेको थियो। अन्तिम साता भने २६ अर्ब रुपैयाँले बढेको छ।
निक्षेप संकलन मात्रै होइन कर्जा लगानी पनि बढ्दो क्रममा देखिन्छ। भदौ अन्तिम सातामात्रै बैंकहरुले २८ अर्ब कर्जा लगानी गरेका छन्। अघिल्लो साता कर्जा लगानी २५ अर्ब रुपैयाँले बढेको थियो।
तथ्याँक अनुसार भदौ ३१ गतेसम्ममा बैंकहरुले ४१ खर्ब ७१ अर्ब निक्षेप संकलन गरी ३८ खर्ब ७२ अर्ब रुपैयाँ कर्जा लगानी गरेका छन्।
