नेपालमा थप १,०४३ जनामा कोरोना संक्रमण पुष्टि, १२ जनाको निधन

Oct 06, 2021 05:39 PM Merolagani



नेपालमा थप एक हजार ४३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित पत्रकार सम्मेलनमा दिइएको जानकारी अनुसार २४ घण्टामा ११ हजार १६५ पीसीआर परीक्षणमध्ये ८४९ जनामा र चार हजार ३०० एन्टिजेन परीक्षणमध्ये १९४ जनामा संक्रमण भेटिएको हो ।

मन्त्रालयका प्रवक्ता डा. कृण्ण प्रसाद पौडेलले दिएको जानकारी अनुसार एक दिनमा संक्रमणका कारण १२ जनाको निधन भएको छ । यस्तै सोहि अवधिमा संक्रमणमुक्त हुनेको संख्या ८९१ रहेको छ । हाल देशभरमा सक्रिय संक्रमित १६ हजार १९४ जना छन् ।

आज थपिएका संक्रमितमध्ये काठमाडौंका ३४४ जना, ललितपुरका ६१ जना र भक्तपुरका ३५ जना रहेको मन्त्रालयले उल्लेख गरेको छ ।




भारत जाने विमानमा फेरि सर्प

Jun 30, 2025 12:48 PM

मुम्बईका भारतीय भन्सार अधिकारीहरूले थाइल्यान्डबाट आएका एक विमान यात्रुलाई जीवित सर्पहरूसहित साथ रोकेको बताएका छन् । यो महिनाको तेस्रो यस्तो जफत हो ।