कोरोना महामारीको तेस्रो लहर नेपालमा फैलिने क्रम बढ्दो छ । कोरोना बढेसँगै पुनः वर्क फ्रम होमले प्रथामिकता पाउन थालिसकेको छ ।

सबै क्रियाकलाप अनलाइन मार्फत नै हुने भएपछि कोरोना बढेसँग डिजिटल डिभाइसहरु (मोबाइल, ल्यापटप, ट्याब) लगाएतका समाग्रीको आयात र ब्यापार बढिरहेको छ । घरबाटै सबै काम गर्नुपर्ने भएपछि प्रत्येक व्यक्तिसँग एक ल्यापटप अनिवार्य जस्तै भइसकेको छ ।

यस्तो अवस्थामा बजारमा धेरै कम्पनी विभिन्न मोडलमा ल्यापटक पाइने गरेको छ । तर, कुन ल्यापटक राम्रो र कुन ल्यापटप उपयुक्त भन्ने बिषयमा ग्राहकलाई ज्ञान नहुँदा आफुले खोजेजस्तो ल्यापटप नपाइने र ग्राहक अन्योलमा पर्ने गरेको पाइन्छ ।

ल्यापटप किन्दा कुन प्रयोजनका लागि किन्ने भन्ने बिषयपनि महत्वपूर्ण हुन्छ । जस्तो गेमिङ,ग्राफिक डिजाइन लगाएतका कार्यहरु गर्न साना बजेटका ल्यापटपल हुँदैन । त्यसैले पनि उत्कृष्ट ब्याट्री व्याकअप,प्रफमेन्स, प्रोसेसर भएको एक लाख मूल्य तलका ल्यापटपको बारेमा चर्चा गर्दै छौं ।

डेल इन्सपीरोन ३५११ (Dell Inspiron 3511)

उत्कृष्ट प्रफमेन्स, ब्याट्री व्याक अप र फिचर सहितको ल्यापटप खोज्नेको रोजाइमा पर्ने डेल इन्सपीरोन ३५११ पनि हो । इन्टेल कोर आई फाइभ ११३५ जी ७ प्रोसेसर भएको यो ल्यापटकको टर्बो स्पीड ४.२ गिगाहर्ज रहेको छ ।

८ जीबी र्याम र ५१२ जीबी एसएसडी स्टोरेज दिइएको डेल इन्सपीरोनमा

एनभिडिए एमएक्स २३० ग्राफिक्स मार्फत २ जीबीमा जीडीडी आर ५ मेमोरी राखिएको छ ।

१.८ केजी तौल , १५.६ इन्चको डिस्प्ले, फुलसाइज किबोर्ड, थ्रि सेल ४२ वाट ब्याट्री यो ल्यापटपको मुख्य बिशेषता हो ।

नेपाली बजारमा यो ल्यापटपको मुल्य ९९ हजार तोकिएको छ ।

एसर स्वीफ्ट ३(Acer Swift 3 2021) 

त्यसैगरी एक लाख तलको ल्यापटप मध्य सबैभन्दा बढी रोजाइमा परेको र प्रफमेन्स राम्रो भएको ल्यापटप हो एसर स्वीफ्ट ३ । ८ जीबी र्याम र ५१२ जीबी इन्टरनल स्टोरेज दिइएको यो ल्यापटपमा बायोमेट्रिक फिङ्गर प्रिन्टपनि दिइएको छ ।

१४ इन्चको आईपीएस डिस्प्ले, १.२ केजी तैाल, १६ः९ एस्पेक्ट रेसियो, एएमडी रेजिन ५ ५००यू , ४.० गिगाहर्ज प्रोसेसर ४८ वाटको ब्याट्री यो ल्यापटपको प्रमुख बिशेषता हुन । हाल नेपाली बजारमा एसर स्वीफ्ट ३ (Acer Swift 3 2021को मुल्य ९४ हजार रहेको छ ।

लेनेभो आईडिया प्याड ५ (Lenovo Ideapad 5 2021)

लेनेभो आईडिया प्याड ५ पनि एक लाख भन्दा तलको उत्कृष्ट ल्यापटप हो । ८ जीबी र्याम र ५१२ जीबी स्टोरेज भएको यो ल्यापटपको १.७ केजी तौल रहेको छ । यो ल्यापटपमा भएको ५७ डब्ल्यु एच ब्याट्रीले ८ घण्टासम्म टिक्ने जनाइएको छ ।

इन्टेलल कोर आई फाइब ११३५जी ७मा आधारित प्रोसेसर दिइएको यो लेनेभो ल्यापटपमा उत्कृष्ट अडियो स्पिकरपनि छ ।

नेपाली बजारमा लेनेभो आईडिया प्याड ५को मुल्य ९५ हजार तोकिएको छ ।

आसुुस भिभोबुक १४ एक्स ४१५ ई ए(Asus Vivobook 14 X415EA)

एसुुस भिभोबुक नेपाली बजारमा आएको मध्य बजेट मुल्यको ल्यापटप हो । उत्कृष्ट डिजाइन र पर्फमेन्सको कारण ग्राहकको रोजाइमा पनि परेको छ ।

१४ इन्ची आपीएस प्यानल इन्टेल कोर आई फाइब ११३५जी ७ सीपीयू दिइएको यो ल्यापटपमा ८ जीबी र्याम र २५६ जीबीको इन्टरनल स्टोरेज समेत उपलब्ध छन ।

उत्कृष्ट ३ सेल ३७ वाट ब्याट्रीपनि यो ल्यापटपमा दिइएको छ ।

नेपाली बजारमा आसुुस भिभोबुक ४ एक्स ४१५ ईएको मूल्य ९३ हजार रुपैयाँ रहेको छ ।