चालु आर्थिक वर्षको चैत मसान्तसम्ममा कम्पनीले १ करोड ११ लाख रुपैयाँ खुद नोक्सानी व्यहोरेको छ। गत आर्थिक वर्षको सोही अवधिसम्ममा कम्पनीले २ करोड ८९ लाख रुपैयाँ खुद नोक्सानी व्यहोरेको थियो।
वित्तीय आम्दानी बढेसँगै कम्पनीको नोक्सानी घटेको हो।
चैत मसान्तसम्ममा कम्पनीको सञ्चालन मुनाफा ५ करोड २५ लाख रुपैयाँ ऋणात्मक रहेको छ। त्यसैगरी, सो अवधिसम्ममा कम्पनीको विद्युत बिक्री आम्दानी ४ करोड १३ लाख रुपैयाँ रहेको छ। गत आर्थिक वर्षको सोही अवधिसम्ममा कम्पनीले ७६ लाख रुपैयाँ यस्तो आम्दानी गरेको थियो।
६ अर्ब रुपैयाँ चुक्ता पूँजी रहेको यस कम्पनीको रिटेन्ड अर्निङ्ग २९ करोड ८३ लाख रुपैयाँ ऋणात्मक रहेको छ।
चैत मसान्तसम्ममा कम्पनीको प्रतिशेयर आम्दानी २५ पैसा ऋणात्मक रहेको छ भने प्रतिशेयर नेटवर्थ ९५ रुपैयाँ ३ पैसा रहेको छ।
