वित्तीय आम्दानी बढेसँगै मध्य भोटेकोशीको नोक्सानी घट्यो

May 09, 2022 12:59 PM Merolagani

मध्य भोटेकोशी जलविद्युत कम्पनी लिमिटेड (MBJC) ले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण सार्वजनिक गरेको छ। विवरण अनुसार कम्पनीको नोक्सानी गत आर्थिक वर्षको सोही अवधिको तुलनामा घटेको छ।

चालु आर्थिक वर्षको चैत मसान्तसम्ममा कम्पनीले १ करोड ११ लाख रुपैयाँ खुद नोक्सानी व्यहोरेको छ। गत आर्थिक वर्षको सोही अवधिसम्ममा कम्पनीले २ करोड ८९ लाख रुपैयाँ खुद नोक्सानी व्यहोरेको थियो।

वित्तीय आम्दानी बढेसँगै कम्पनीको नोक्सानी घटेको हो।

चैत मसान्तसम्ममा कम्पनीको सञ्चालन मुनाफा ५ करोड २५ लाख रुपैयाँ ऋणात्मक रहेको छ। त्यसैगरी, सो अवधिसम्ममा कम्पनीको विद्युत बिक्री आम्दानी ४ करोड १३ लाख रुपैयाँ रहेको छ। गत आर्थिक वर्षको सोही अवधिसम्ममा कम्पनीले ७६ लाख रुपैयाँ यस्तो आम्दानी गरेको थियो।

६ अर्ब रुपैयाँ चुक्ता पूँजी रहेको यस कम्पनीको रिटेन्ड अर्निङ्ग २९ करोड ८३ लाख रुपैयाँ ऋणात्मक रहेको छ।

चैत मसान्तसम्ममा कम्पनीको प्रतिशेयर आम्दानी २५ पैसा ऋणात्मक रहेको छ भने प्रतिशेयर नेटवर्थ ९५ रुपैयाँ ३ पैसा रहेको छ।

comments powered by Disqus

नागरिक लगानी कोषको लाभांश घोषणा

Jun 25, 2022 07:28 PM

नागरिक लगानी कोष (CIT) ले गत आर्थिक वर्षको मुनाफाबाट शेयरधनीहरुलाई वितरण गर्ने लाभांश घोषणा गरेको छ।