साइमेक्स इंकले आयोजना गरेको डिलर मिटको अवसरमा सो सम्झौता सम्पन्न भएको हो । हरिबंश आचार्यले आफ्नो फेसबुक पेजमार्फत ब्रान्ड एम्बेसडरमा नियुक्त भएको जानकारी गराएका हुन । ‘नेपालमा अब विद्युतीय युग सुरु भयो । विद्युतबाट चल्ने विश्वप्रख्यात वातावरणमैत्री गाडी बीवाईडीको मलाई सद्भावनादूत नियुक्त गर्नु भएकोमा साइमेक्स इंक परिवारप्रति शुभकामना व्यक्त गर्दछु’ आचार्यले भने।
बीवाईडीका विद्युतीय गाडी नेपाली बजारमा लोकप्रिय छन् । हाल नेपाली बजारमा बीवाईडीका ई६, न्यु ई६, एम३ र टी३ मोडलका सवारी साधन उपलब्ध छन् । यी मध्ये ई६ को मूल्य ५० लाख, न्यू ई६ को मूल्य ५७ लाख ५० हजार, ७ सिटर एम३ को मूल्य ४२ लाख ५० हजार र टी३ को मूल्य ४० लाख ५० हजार रुपैयाँ छ ।
केही दिनमै कम्पनीले नयाँ मोडलको सवारी साधन एटटो ३ नेपाली बजारमा उपलब्ध गराउने तयारी गरिरहेको बताएको छ । यसको मूल्य भने अझै सार्वजनिक भएको छैन ।
