ङादी ग्रुप पावरले १५० प्रतिशत अर्थात १ एक कित्ता बराबर १.५ अनुपातमा एक अर्ब ६ करोड ३ लाख ९८ हजार ६०० रुपैयाँ बराबरको १ करोड ६ लाख ३ हजार ९८६ कित्ता शेयर निष्काशन गर्न बोर्डमा आवेदन दिएको छ ।
हाल कम्पनीको चुक्ता पूँजी ७० करोड ६९ लाख ३२ हजार ४०० रुपैयाँ रहेको छ । त्यसको १५० प्रतिशत हकप्रद निष्काशन गरेपछि कम्पनीको चुक्ता पूँजी १ अर्ब ७६ करोड ७३ लाख ३१ हजार रुपैयाँ पुग्नेछ ।
कम्पनीको शेयर निष्काशन तथा बिक्री प्रबन्धक सिद्धार्थ क्यापिटल रहेको छ ।
यस्तै बरुण हाइड्रोपावर कम्पनी (BARUN) ले पनि शत प्रतिशत हकप्रद निष्काशन गर्न बोर्डमा आवेदन दिएको छ । कम्पनीले १ बराबर १ अनुपातमा २६ करोड ७९ लाख ७ हजार ५०० रुपैयाँ बराबरको २६ लाख ७९ हजार ७५ कित्ता हकप्रद शेयर बिक्री गर्न अनुमति मागेको हो ।
कम्पनीको हाल २६ करोड ७९ लाख ७ हजार ५०० रुपैयाँ चुक्ता पूँजी रहेको छ । शत प्रतिशत हकप्रद निष्काशन पश्चात कम्पनीको चुक्ता पूँजी ५३ करोड ५८ लाख १५ हजार रुपैयाँ पुग्नेछ ।
कम्पनीको शेयर निष्काशन तथा बिक्री प्रबन्धक आरबीबी मर्चेन्ट बैंकिङ रहेको छ ।
ङादी ग्रुप पावर र वरुण हाइड्रोपावर कम्पनीलाई विद्युत नियमन आयोगले गत बैशाख २३ गते हकप्रद निष्काशन गर्न स्वीकृति दिएको थियो । हकप्रद निष्काशनको लागि आयोगले स्वीकृति दिएपछि दुबै कम्पनी अनुमति माग्दै नेपाल धितोपत्र बोर्ड पुगेको हो ।
