उच्च सीसीका मोटरसाइकल बिक्री हुने भएपनि १५० देखि २२० सीसीका मोटरसाइकल भने नेपालमा उच्च माग छ । यी मध्ये पनि दुई सय सेग्मेन्टका बाइक युवा पुस्ताले रुचाएको पाइन्छ ।
केहि महिना अघि भारतीय बजारमा २५० सीसीका पल्सर मोटरसाइकल सार्वजनिक भएको थियो । नेपालमा यी मोटरसाइकल दुई महिना भित्र ल्याउने तयारी छन ।
२५० सेग्मेन्टसँगै १६० एन ड्युअल च्यानल एबीएस सहित नयाँ डिजाइन र लुक्समा पल्सर एन १६० हालै भारतीय बजारमा सार्वजनिक भएको छ ।
नेपालमा पनि एन २०० र १६० को ठूलो बजार रहेको कारण यो मोटरसाइकल भारतीय बजारमा सार्वजनिक हुनु अर्थपूर्ण हिसाबमा हेरिएको छ ।
नेपालका लागि बजाज बाइकको आधिकारीक वितरक हंसराज हुलास प्रालिले भारतीय बजारमा सार्वजनिक भएको दुवै सेग्मेन्टका मोटरसाइकल ल्याउने तयारी गरिरहेको छ ।
कस्तो छ नयाँ एन १६० ?
खासगरी एन १६० अपग्रेड भएर नयाँ लुक्स र डिजाइनका साथ सार्वजनिक भएको छ । बजाजले एन २५० मा आधारित १६० सीसीको पल्सर एन १६० नेकेड स्पोटर््स बाइक हो ।
पल्सर एन १६० बाइकले टीभीएस अपाचे आरटीआर १६० ४ भी, यामाहा एफजेड र सुजुकी जिक्सरसँग प्रतिस्पर्धा गर्ने बताइएको छ ।
नयाँ पल्सर एन १६० सिंगल च्यानल एबीएस र ड्युअल च्यानल एबीएस गरी २ भेरिएन्टमा लन्च गरिएको छ । नयाँ पल्सर एन १६० को डिजाइन पल्सर एन २५० सँग मिल्दोजुल्दो छ ।
नयाँ पल्सर यूएसबी चार्जिङ पोर्ट, १४ लिटर फ्युल ट्याङकी, अलोय ह्विल, टेललाइट, स्प्लिट सिट र डिजी एनालग इन्स्ट्रयुमेन्ट क्लस्टर सहित बजारमा आएको छ ।
नयाँ च्यासिस र सेग्मेन्ट फर्स्ट ड्युअल च्वयानल एबीएस यो मोटरसाइकलको मुख्य बिशेषता हो ।
इन्जिन र पावर
नयाँ बजाज पल्सर एन १६० मा १६४.८२ सीसी, सिंगल सिलिन्डर इन्जिन प्रयोग गरिएको छ, जसले १६ बीएचपीको अधिकतम पावर र १४.६५ एनएमको अधिकतम टर्क जेनेरेट गर्छ ।
५ स्पड गियरबक्स जडान दिइएको ३०० एमएम फ्रन्ट डिस्क र सिंगल च्यानल भेरिएन्टमा २८० एमएम फ्रन्ट डिस्क यो मोटरसाइलमा उपलब्ध गराएको छ ।
कति पर्छ मूल्य ?
नयाँ पल्सर एन १६० सिंगल च्यानल एबीएस र ड्युअल च्यानल एबीएस गरी २ भेरिएन्टमा लन्च गरिएको छ ।
भारतीय बजारमा ड्युअल च्यानल एबीएसको पल्सर एनका मूल्य १ लाख २८ हजार भारु तोकिएको छ भने सिंगल च्यानल एबीएस भेरिएन्टको मूल्य १ लाख २३ हजार भारुमा तोकिएको छ ।
नेपाली बजारमा यो मोटरसाइल आउदा ३ लाख ५० हजार माथि नै हुने अनुमान गरिएको छ । नेपाली बजारमा सम्भवत नाडा अटो शो अघि नै आउने सम्भावना छ ।
