धितोपत्र व्यापारी (स्टक डिलर) कार्य सञ्चालन सम्बन्धी कार्यविधि, २०७७ को परिच्छेद २, बुँदा नं. ३ बमोजिम कम्पनी छनौट गरी कारोबार गर्न अनुमति प्रदान गरिएको नेप्सेले जनाएको छ ।
कार्यविधि अनुसार स्टक डिलरले विगत ३ वर्षदेखि नाफामा रहेको, लगानीकर्ताहरुको संख्या कम्पनीमा १० हजार रहेको, चुक्ता पूँजी २० करोड रुपैयाँ भन्दा बढी भएको र १ वर्षको कारोबार दिनमध्ये कम्तिमा ८० प्रतिशत दिनमा कारोबार भएको कम्पनी हुनु पर्नेछ ।
स्टक डिलरले आफुले कारोबार गर्न चाहेको कम्पनीको सूची बनाएर नेप्सेमा पेश गर्नुपर्दछ । स्टक डिलरले पेश गरेको सूचीकृत कम्पनीहरुको सूचीको आधारमा नेप्सेले आवश्यक देखेमा हेरफेर गरेर कारोबार गर्न अनुमति प्रदान गर्न सकिने व्यवस्था छ ।
