प्राइम लाइफ इन्स्योरेन्सको सिईओमा निर्मल दाहाल नियुक्त

Aug 04, 2022 03:37 PM Merolagani

प्राइम लाइफ इन्स्योरेन्सको प्रमुख कार्यकारी अधिकृत (सिईओ) मा निर्मल दाहाल नियुक्त भएका छन् । बीमा समितिले दाहाललाई सिइओ नियुक्त गर्न अनुमति दिएको हो ।

तत्कालिन सिइओ मनोजकुमार भट्टराईको कार्यकाल असार मसान्तमा सकिएपछि उक्त पद रिक्त थियो । श्रावण १ गतेदेखि दाहाल कामु प्रमुख कार्यकारी अधिकृतको जिम्मेवारी समालिरहेका थिए ।

बीमा समितिले दाहाललाई सिइओ नियुक्त गर्न स्वीकृति दिएसँगै अब बस्ने कम्पनी सञ्चालक समितिको बैठकले दाहाललाई आगामी ४ वर्षको लागि सिईओ नियुक्त गर्नेछ ।

दाहाललाई प्राइम, गुराँस र युनियन लाइफ इन्स्योरेन्सबीच मर्जर पश्चात बन्ने कम्पनीको समेत सिइओ तयारी छ । 

त्रिभुवन विश्वविद्यालयबाट स्नातकोत्तरसम्मको अध्ययन गरेका दाहालसँग बैंक, बीमा तथा वित्तीय क्षेत्रमा २ दशक भन्दा बढी काम गरेको अनुभव रहेको छ ।

comments powered by Disqus

नेपाल बङ्गलादेश बैंकलाई आफुमा गाभेको नबिल बैंकको वित्तीय अवस्था कस्तो?

Aug 05, 2022 08:11 AM

नबिल बैंक लिमिटेड (NABIL) ले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ। विवरण अनुसार अघिल्लो आर्थिक वर्षको सोही अवधिको तुलनामा नाफा बढेको छ।