हकप्रद निष्काशनको प्रस्ताव सहित नेशनल हाइड्रो पावरले विशेष साधारण सभा बोलायो

Aug 09, 2022 12:10 PM Merolagani

नेशनल हाइड्रो पावर कम्पनी (NHPC) ले हकप्रद निष्काशनको प्रस्ताव सहित विषेश साधारण सभा बोलाएको छ । कम्पनीले भदौ १० गते शुक्रबार बिहान ११ बजे, डेलिश ओपेरा रेष्ट्रो एण्ड बैंक्वेटमा सभा बोलाएको हो ।

सभाले बोनस शेयर वितरण पश्चात र सुनकोशी हाइड्रो पावर कम्पनीको प्राप्ति पश्चात कायम हुन आउने चुक्ता पूँजीको ५० प्रतिशत हकप्रद शेयर निष्काशन गर्ने प्रस्ताव पारित गर्नेछ ।

हकप्रद र सुनकोशी हाइड्रो पावर कम्पनी प्राप्ति पश्चात पूँजी वृद्धि हुने भएकोले कम्पनीको प्रबन्धपत्र तथ नियमावली संशोधन गर्नेछ ।

यस्तै कम्पनीको २२ हजार ४७० कित्ता साधारण शेयर वापत ७ लाख २५ हजार रुपैयाँको आंशिक भुक्तानी मात्र प्राप्त भएको देखिएकोले कम्पनीको हिसावमा १५ लाख २२ हजार रुपैयाँ भुक्तानी प्राप्त नभएको देखिदै आएकोले त्यसको हिसाव मिलान गर्न सञ्चालक समितिलाइ अख्तियारी समेत दिनेछ ।

साधारण सभा प्रयोजनको लागि कम्पनीले भदौ २ गते बुक क्लोज गर्ने जनाएको छ । त्यस अनुसार भदौ १ गतेसम्ममा कायम शेयरधनी मात्रै सभामा सहभागी हुन सक्नेछन् ।

comments powered by Disqus

न्यून चुक्ता पुँजी र ऋणात्मक इपीएस भएका कम्पनीको शेयर मूल्य उच्च किन ?

Jun 20, 2024 06:16 AM

पछिल्लो समय न्यून चुक्ता पुँजी र नकारात्मक प्रति शेयर आम्दानी भएका कम्पनीको शेयर मूल्य उच्च दरले बढ्न थालेको छ । पछिल्लो समय पालैपालो ट्रेन्डिङमा आएका माइक्रोफाइनान्स, फाइनान्स र हाइड्रोपावर कम्पनीको उच्च मूल्य भएका कम्पनीहरु प्रायः न्यून चुक्ता पुँजी र ऋणात्मक प्रति शेयर आम्दानी भएका कम्पनी नै छन् ।