“मंगलबार सम्म भोलेनलेज सेक्युरुटिजज, क्यापिटल म्याक्स सेक्युरुटिज,कलश सेक्युरुटिज, प्रोपर्टि बिगाड,शेयर ब्रो सेक्युरुटिज,हिमालयन ब्रोकरेज,एनएमबि सेक्युरुटिज, केबिएल सेक्युरुटिज, माछापुच्छ्रे सेक्युरुटिज, प्रभु स्टकको निवेदन परेको छ” कार्कीले मेरो लगानीसँग भने।
कार्कीका अनुसार अहिलेसम्म कुनै पनि कम्पनीलाई नेप्सेले सिफारिस गरेको छैन। के कसरी सिफारिस गर्ने भन्दै बुधवार बोर्ड बैठक डाकिएको छ। यस अघि कार्कीले नेप्सेको कार्यविधि अनुसार नै सिफारिस गर्ने भन्दै आएका थिए। तर बोर्डमा अर्थ मन्त्रालयका प्रतिनिधि समेत हुने भएकोले कार्कीको अडानलाई साइड लगाएर नयाँ निर्णय आउन सक्ने स्रोतको भनाई छ।
तर उता नेपाल धितोपत्र बोर्डमा भने एक कम्पनीले नेप्सेको सिफारिस बेगर नै निवेदन दर्ता गराएको छ। हिमालयन ब्रोकरेजले नेप्सेको सिफारिस बिनै निवेदन दर्ता गराएको हो। “बोर्डमा हिमालयन ब्रोकरेजको निवेदन परेको छ। उसले अावश्यक कागज पत्र पुर्याएको नपुर्याएको भने हेर्न वाँकी छ” बोर्डका प्रवक्ता रुपेश केसीले भने।
केसीका अनुसार निवेदन दिन पाइन्छ। निवेदनमा कागजात पुगे नपुगेको भने अध्ययनपछि मात्रै थाहा हुने छ। तर नेप्सेका अनुसार कुनै पनि सिफारिस माग्न आउनेलाई अहिलेसम्म सिफारिस दिइएको छैन। “सिफारिस मेरै शाखाबाट जाने हो। अहिलेसम्म कुनै पनि कम्पनीलाई सिफारिस दिइएको छैन” नेप्से अर्का अधिकारी गिरिराज दाहालले भने।