कतिपय कम्पनीले पूर्णरुपमा विद्युतीय गाडी उत्पादनलाई प्रथामिकता दिए । तर,अटो शोमा सार्वजनिक भएको नयाँ नयाँ गाडीहरु मध्य चार ओटा हलमा धेरै घुँइचो थियो । जसमा टाटा,हुन्डाइ, सुजुकी र जापनिज कार ब्रान्ड लेक्सस अवलोकनकर्ताले अत्याधिक रुचाइएका गाडीहरुमा मध्य पर्यो ।
यी चार मध्ये पनि लेक्ससको एउटा बोल्ड गाडीले सबैको ध्यान खिच्यो । नेपालमा यो गाडी हालसम्म आउने/नआउने कुनै टुङ्गो नभए पनि दिल्ली अटो शोमा राखिएका गाडी मध्यमै आकर्षक थियो ।
टोयोटा ग्लोबलले भारतीय बजारमा ल्याएको लेक्सस एलएफ ३०को डिजाइनले नै सबैलाई चकित बनायो ।
जापानी कम्पनीले भारतमा प्रदर्शन गरेको यी दुई मोडल हेर्दा निकै आकर्षक छन् भने आधुनिक फिचरको कम्बिनेसन छ । दिल्ली अटोशोमा लेक्ससले देखाएको एलएफ ३० मा अत्याधुनिक फिचर दिएको कम्पनीले जनाएको छ ।
कम्पनीका अनुसार यो गाडीको अगाडीको भाग अर्थात क्याबिन कुनै किसिमको बाहिरी आवाज नआउने गरी अब्बल डिजाइन गरिएको छ । लग्जरी बनाउनकै लागि लेक्सन एलएफ ३०मा प्यासेन्जर भ्यावइस कन्ट्रोल फिचर,अल ह्वील ड्राइभ प्रणाली,चारवटै चक्कामा मोटर उपलब्ध गराएको छ । यी मोटरको कम्वाइन पावर ३८५ किलोवाट अर्थात् ५२५ पीएस रहेको छ भने टर्क ७०० एनएम दिइएको छ ।
११० किलोवाट आवर क्षमताको पावरफुल ब्याट्रीसहित आएको यो गाडी फुल चार्ज गर्दा ६ सय किलोमिटर रेन्ज दिने कम्पनीको दाबी छ । १५० किलोवाटको फास्ट चार्जर, चार सेकेन्डभन्दा कम समयमा नै १०० किलोमिटर प्रतिघन्टाको स्पीड भेट्टाउन सक्ने फिचरले एलएफलाई अझ रोमाञ्चक बनाएको छ ।
२०० किलोमिटर प्रतिघण्टाको स्पीडमा कुद्न सक्ने यो गाडीमा वायरलेस चार्जर,आरमदायी नयाँ कन्सेप्टको सिट,चराको पखेटा आकारका ढोकाकाले अझ बेजोड लुक्स प्रदान गरेको छ । फरक प्रकारको स्टेरिङ,कम्फटेबल सिट, अब्बल ब्रोकिङ सिस्टम लगाएतका बिशेषता छन ।
यो गाडीको बाहिरी भागले अझ लोभ्याएको छ । भित्री भाग जस्तो डिजाइन गरिएको त्यो भन्दा बढी बाहिरी भागलाई कम्पनीले प्राथामिकतामा राखेको छ । कम्पनीले हालसम्म औपचारिक रुपमा मूल्यबारे जानकारी नदिए पनि भारतीय सञ्चारमाध्यम अनुसार यो गाडीको मूल्य दुई देखि तीन करोडसम्म पर्ने अनुमान गरिएको छ ।