प्राधिकरणका अध्यक्ष पुरुषोत्तम खनालले दुई ओटा बिटिएसबाट मात्रै फाइभजी परिक्षण भएको भन्दै असन्तुष्टि व्यक्त गरे ।
टेलिकमले आफ्नो १९ औं बार्षिक उत्सवको उपलक्ष्यमा बबरमहल र सुन्धारा टेलिकम टावरबाट ट्रायल सुरु गरेको थियो । तर, प्राधिकरणका अध्यक्ष पुरुषोत्तम खनालले बार्षिक उत्सवलाई सम्बोधन गर्ने क्रममा खरो रुपमा प्रस्तुत भए ।
खनालले फाइभजी परिक्षण काठमाडौं रिङरोड भित्र गर्ने आसयले फ्रिक्वेन्सी उपलब्ध गराएपनि दुईवाट बिटिएस टावरबाट मात्रै सुरु गरिएको बताए ।
‘सर्वसाधारण माझ कम्तिमा काठमाडौँ रिङरोड क्षेत्रभित्र फाइभजी परीक्षण गर्ने आसयको साथ आफूहरुले निःशुल्क फ्रिक्वेन्सी उपलब्ध गराएका हौं’ उनले भने ‘ तर,यहाँ आन्तरिक किसिमले प्राविधिक परिक्षण मात्रै भएको सुनियो’ ।
उनले थपे ‘नियामक तथा सर्वसाधारणले खोजेको फाइभजी परिक्षण त्यस्तो होइन’ । टेलिकम आफैले पनि लामो समयदेखि काठमाडौं उपत्यका भित्रनै फाइभजी परिक्षण गर्ने बताउदै आएको थयो । तर, अहिले सुन्धारास्थित टेलिकम बिटिएस टावर र बबरमहल टावरबाट मात्रै फाइभजी परिक्षण गरिएको छ ।
त्यस्तै सर्वसाधारणको लागि समेत प्रयोग गर्न दिने बताइएपनि अन्त्यमा अन्तरिक रुपमा मात्रै परिक्षण गरिएको भन्दै चौतर्फी बिरोध भइरहेको छ । यस अघि यस अघि टेलिकमले गत अग्रेजी नयाँ बर्ष २०२३ बाट फाइभजी परिक्षण गर्ने भने पनि प्राविधिक अन्तरिक रुपमा टेलिकम चुकेको थियो ।
खासगरी सञ्चार तथा सूचना प्रविधि मन्त्रालय र दूरसञ्चार क्षेत्रको नियामक निकाय नेपाल दूरसञ्चार प्राधिकरणले परिक्षण अनुमति दिएको झण्डै दुई बर्ष पछि फाइभजीको ट्रायल गरेको हो ।
टेलिकमलाई फाइभजी परिक्षणको लागि दूरसञ्चार प्राधिकरणले २६ सय मेगाहर्ज ब्याण्डमा फ्रिक्वेन्सी उपलब्ध गराएको छ ।
