भारतीय वित्त मन्त्री निर्मला सीतारमणले गएको फ्रेब्रुअरी १ मा बजेट पेस गरेपछि मनिटरि पोलिसी कमिटीको पहिलो बैठकले ब्याजदर बढाउने निर्णय गरेको हो। आरबिआइका गभर्नर शक्तिकान्त दासले बुधवार भएको पत्रकार सम्मेलनमा ब्याजदर बढाएको घोषणा गरेका हुन्।
भारतीय केन्द्रीय बैंकले पछिल्लो समय पाँच पटक ब्याजदर बढाउने निर्णय गरिसकेको छ। पछिल्लो समयको याे वृद्धि छैठौ पटक हो। यस वर्षको पहिलो बैठक गएको अप्रिलमा भएको थियो। उक्त समय रिपो रेट चार प्रतिशतमा स्थिर थियो। तर मे मा आएर आरबिआइले आकस्मिक बैठक गर्दै रिपो रेट ४ प्रतिशतबाट बढाएर ४.४० प्रतिशत पुर्याएको थियो। त्यस पछि पटक पटक गरेर रिपो रेट ६.५० प्रतिशतमा पुर्याइएको हो।