भारतीय बजारमा चर्चा पाएका यी दुई गाडी नेपाली बजारमा केहि महिना ढिलो गरी प्रवेश पाएका छन् । नयाँ प्रविधि र फरक लुक्सका साथ आएका यी गाडीले सफलता पाउने कम्पनीले बिश्वास लिएको छ ।
योसँगै नेपाली गाडी पारखीको लागि ग्राण्ड भिटाराको प्रतिक्षाको घडी समाप्त भएको छ । यो गाडी नेपाल भित्रिएसँगै हुन्डाईको क्रेटासँग हेड टु हेड प्रतिस्पर्धा गर्ने छ ।
कम्पनीले नेपाली बजारमा एसयूभी ब्रेजाको नयाँ जेनेरेशन ६ भेरियन्टमा र न्यू मोडल ग्राण्ड भिटारा ९ भेरियन्टमा उपलब्ध गराएको छ ।
ब्रेज्जाको पुरानो भर्सन भने नेपाली बजारमा सफल भइसकेको भेरियन्टको रुपमा चिनिन्छ । नयाँ जेनेरेसनको ब्रेज्जा नेपाल आएसँगै नेपाली प्यासेन्जर गाडीको बजारमा थप बलियो उपस्थिति जनाउने भएको छ ।
कुन भेरियन्टको कति तोकियो मूल्य ?
कम्पनीले नयाँ प्राविधि बिशेषतासहित नयाँ ब्रेजाको एलएक्सआई भेरियन्ट पहिलो पटक ल्याएको छ। यो भेरियन्टको मूल्य तीन लाख छुटसहित ४१ लाख ९९ हजार रुपैयाँ मुल्य तोकिएको छ ।
त्यसैगरी ब्रेज्जाको टप भेरियन्टको मुल्य भने ५६ लाख २९ हजार निर्धारण गरिएको छ । तत्काल नयाँ गाडी खरिद गर्ने ग्राहकको लागि सबै भेरियन्टमा तीनलाख छुट दिएको कम्पनीले जनाएको छ ।
त्यसैगरी हालै नयाँ ब्रान्डको रुपमा रहेको सुजुकी ग्राण्ड भिटारा मोडल पनि सार्वजनिक भएको छ । कम्पनीले ग्रान्ड भिटाराको मूल्य ६३ लाख ९९ देखि सुरु भएको छ । इन्ट्री लेभलको जेटा भेरियन्ट सबैभन्दा सस्तो भेरियन्टमा पर्छ ।
कम्पनीले यो गाडीमा समेत ३ लाख छुट दिएको छ । त्यस्तै सुजुकी ग्रान्ड भिटारोको टप भेरियन्ट अल्फा डुअल टोनको मुल्य ८८ लाख २९ हजार तोकिएको छ ।
यो भेरियन्टले हुन्डाई क्रेटा र किया सेल्टोससँग प्रतिस्पर्धा गर्ने कम्पनीले जनाएको छ । यो गाडी नेपालमा हाइब्रिड दुई इन्जिन अप्सनमा आएको छ ।
