तीन दिनदेखि बैंकको मूल्य लगातार घट्दो ट्रेन्डमा छ। आइतबार १.२४ प्रतिशत घटेको शेयर मूल्य सोमबार २.६३ प्रतिशत घट्यो भने मंगलबार पुन: १.६७ प्रतिशत घटेको हो।
खासगरी बैंकको ठुला ऋणहरू बिग्रिन थालेको र आउँदो त्रैमासमा खराब कर्जा बढेर आउने हल्ला बजारमा चलेको कारण मूल्य लगातार घट्न थालेको एक लगानीकर्ताले बताए। बैंकका संस्थापकले शेयर बेचेर बाहिर निस्कन थालेकाे चर्चासँगै मूल्य घटेकाे बिश्लेषण बजारमा गरिदै छ ।
भित्र भित्रै चलेको यस्ताे हल्लाले शेयरको मूल्यमा दैनिक प्रेसर परिरहे पनि पुष्टि गर्ने कुनै आधार भने छैन।
