तामाकोशी पाँचौं जलविद्युत आयोजना निर्माणको लागि त्रिपक्षीय सम्झौता हुँदै, सर्वसाधारणले १५, दाेलखाबासीले १० र कर्मचारीले ५ प्रतिशत शेयर पाउने

May 21, 2023 02:49 PM Merolagani

तामाकोशी पाँचौं जलविद्युत आयोजना निर्माणको लागि ऋण लगानी सम्बन्धमा त्रिपक्षीय सम्झौता हुने भएको छ । नेपाल विद्युत प्राधिकरण, तामाकोशी जलविद्युत कम्पनी लिमिटेड र कर्मचारी सञ्चय कोषबीच आयोजनाको लागि आज बेलुका ऋण लगानी सम्बन्धमा सम्झौता हुने भएको हो ।

आयोजनाको निर्माण अवधिको व्याज सहित २१ अर्ब १४ करोड रुपैयाँ लाग्ने अनुमान रहेको छ । त्यस मध्ये ६५ प्रतिशत ऋण मार्फत लगानी गर्ने र ३५ प्रतिशत शेयरबाट जुटाउने कम्पनीले जनाएको छ ।

कुल लगानी मध्ये सञ्चय कोषले १३ अर्ब ७४ करोड रुपैयाँ लगानी गर्ने जनाएको छ ।

तामाकोसी पाँचौं ४५६ मेगावाटको मेगावाटको माथिल्लो तामाकोसीको क्यास्केड आयोजना हो । करिव १०० मेगावाटकाे तामाकोसी पाँचौले बाँध, बालुवा थिग्रयाउने पोखरी (डिसेन्डर) लगायतका संरचना बनाउनु नपर्ने भएकोले आयोजनालाई आकर्षक मानिएको छ ।

१० प्रतिशत आयोजना प्रभावित दोलाखाबासी, १५ प्रतिशत देशभरका सर्वसाधारण,५ प्रतिशत प्राधिकरण तथा कम्पनीका कर्मचारी, २ प्रतिशत अतिबिपन्न नागरिक शहिद तथा बेपत्ता नागरिक र अपाङ्गलाई छुट्टायाइएको छ । जनताको जलविद्युत कार्यक्रममा समावेश भएकोले कम्पनीको शेयर संरचना परिवर्तन हुन सक्ने छ ।

comments powered by Disqus

अब लगानीकर्ताले नाफामा मात्रै कर तिर्नु पर्ने,वर्ष भरिको कारोबार नाफा/घाटा मिलान गर्न पाउने

May 30, 2023 12:10 PM

अब लगानीकर्ताले नाफामा मात्रै कर तिर्नु पर्ने भएको छ। वर्ष भरिको कारोबार देखाएर नाफा/घाटा मिलान गर्न पाउने व्यवस्था सरकारले गरेको छ। आगामी आर्थिक वर्षको बजेट मार्फत सरकाले उक्त व्यवस्था गरेको हो।