‘विद्युतीय सवारीको अहिलेको कर घटाइयोस्,बढाउने चेस्टा गर्दै नगरियोस्’:सांसद सोविता गौतम

May 24, 2023 05:08 PM Merolagani

राष्ट्रिय स्वतन्त्र पार्टीकी सांसद सोबिता गौतमले विद्युतीय सवारी साधनमा राज्यले लगाउने कर घटाउन माग गरेकी छन् ।

बुधबार प्रतिनिधिसभा बैठकमा बोल्दै संसद गौतमले यस्तो बताएकी हुन । उनले आगामी आर्थिक वर्षको बजेटमार्फत स्वार्थ समूहसँगको मिलेमतोमा विद्युतीय सवारीको कर बढाउन चलखेल भएको भन्दै अर्थमन्त्रीलाई ध्यानाकर्षण समेत गराइन ।

उनले नीति तथा कार्यक्रममा विद्युतीय सवारीको प्रवर्द्धनको योजना स्पष्ट नरहेको समेत बताइन । ‘विभिन्न स्वार्थ समूहसँगको मिलेमतोमा विद्युतीय सवारीको कर बढाउन चलखेल हुँदै छ भन्ने कुरा गाँइगुँइ सुनिँदै छ ।

सरकारले सन् २०२५ सम्ममा नेपालमा गुड्ने कूल निजी सवारीमध्ये विद्युतीय सवारीको संख्या २५ प्रतिशत र सार्वजनिक सवारीको संख्या २० प्रतिशत पुर्‍याउने लक्ष्य लिएको छ । करको दर बढाउने हो भने यो सम्भव हुने छैन,’ उनले संसदमा बोल्दै भनिन् ।

उनले थपिन ‘अर्थमन्त्रीको ध्यानाकर्षण गराउन चाहन्छु कि सके विद्युतीय सवारीको अहिलेको कर घटाइयोस् तर बढाउने चेस्टा गर्दै नगरियोस्’ ।

comments powered by Disqus

सामान्य घट्यो वाणिज्य बैंकहरुको ब्याजदर, कुन बैंकले दिन्छ सबैभन्दा बढी ब्याज?

Apr 12, 2024 08:31 AM

वाणिज्य बैंकहरुले बैशाख महिनाका लागि नयाँ ब्याजदर प्रकाशित गरेका छन्। बैंकहरुले प्रकाशित गरेको सूचना अनुसार चैत महिनाको तुलनामा बैंकहरुको औषत ब्याजदर सामान्य घटेको छ।