साविक सगरमाथा इन्स्योरेन्स कम्पनीको ७१ प्रतिशत संस्थापक शेयरलाई बैदेशिक लगानी साझेदार सेलिन्को इन्स्योरेन्स पिएलसी श्रीलंकाको २० प्रतिशत शेयर यथावत राखी नेपाली संस्थापक शेयरधनीहरुको स्वामित्वमा रहेको ५१ प्रतिशत शेयरलाई ३१ प्रतिशत संस्थापक शेयर कायम गर्दा हुन आउने २० प्रतिशत संस्थापक शेयरलाई समानुपातिक रुपमा सर्वसाधारण शेयरमा परिमार्जन गर्ने भएको हो ।
त्यस पश्चात कम्पनीमा संस्थापकको ५१ प्रतिशत र सर्वसाधारणको ४९ प्रतिशत शेयर स्वामित्व कायम हुनेछ ।
संस्थापक शेयर सर्वसाधारण शेयरमा परिमार्जन गर्न नचाहने शेयरधनीहरुले सात दिन भित्र कम्पनीको प्रधान कार्यलयमा जानकारी गराउन आग्रह गरिएको छ । उक्त अवधि समाप्ती पश्चात संस्थापक शेयर सर्वसाधारण समुहमा परिमार्जन हुने कम्पनीले जनाएको छ।
