रेटिङ्ग डाउनग्रेड हुने डर
अहिले फिचले अमेरिकालाई ट्रिपल ए रेटिङ दिएको छ,जुन सबैभन्दा राम्रो रेटिङ हो। यद्यपि, एजेन्सीले अब अमेरिकाको लङ्ग टर्म फरेन करेन्सी इस्यूअर डिफल्ट रेटिङ्गलाई नकारात्मक वाच लिस्टमा राखेको छ। फिच रेटिङको यो कदमलाई अमेरिकी संसदले समयमै ट्रेजरीको कर्जा लिने सीमा नबढाउने हो भने रेटिङ घटाउन सक्ने स्पष्ट सङ्केत मानिएको छ।
डिफल्टले दिने छ यो संकेत
अहिले अमेरिकाको अगाडि कोष समाप्त हुने खतरा छ। यदि अहिले कुनै कदम चालिएन भने अर्को हप्ता अमेरिकी कोष खाली हुन सक्छ र यदि यस्तो भयो भने अमेरिकाको रेटिङ फिचले घटाउनेछ। यदि उधारो लिने सीमा नबढाइएमा अमेरिकाले आफ्नो दायित्व समयमै तिर्न इच्छुक नभएको र रेटिङ्गमा नकारात्मक असर पर्ने संकेत गर्ने एजेन्सीले जनाएको छ।
ट्रेजरीको उपाय पर्याप्त छैन
यद्यपि, फिचले अमेरिकी कोषहरू पूर्ण रूपमा खाली हुनुअघि नै ऋण लिने सीमा बढाउन केही उपाय अवलम्बन गरिने आशा व्यक्त गरेको छ। फिचले प्रतिवेदनमा भनेको छ कि जनवरी १९,२०२३ मा अमेरिका ३१.४ ट्रिलियन डलरको ऋण सीमामा पुगेको थियो र ट्रेजरीले माथिल्लो सीमा नाघ्नबाट जोगिनका लागि अभूतपूर्व उपायहरू सुरु गरेको थियो। यद्यपि,कोषका यी उपायहरू पनि अपर्याप्त साबित हुन सक्छन्। ट्रेजरीको उपाय जून १, २०२३ सम्म पूर्ण रूपमा दोहन हुनेछ।
सिनेट र सदनबाट अपेक्षा
एजेन्सीले मे २३ सम्म ट्रेजरीसँगको नगद मौज्दात ७६.५ बिलियन डलरमा रहेको बताएको छ। अर्कोतर्फ,जुन १–२ सम्ममा ठूलो भुक्तानी गर्नुपर्नेछ। यस्तो अवस्थामा एक्स डेट अर्थात् कोष पूर्ण रुपमा खाली हुने मिति धेरै टाढा छैन। अमेरिकी सिनेट र सदनले ऋण लिने सीमा बढाउने विषयमा अहिलेसम्म सहमति जनाएका छैनन्। आगामी दिनहरूमा भएका घटनाक्रमहरू सिनेट र सदनले चालेका कदमहरूमा पूर्ण रूपमा निर्भर हुनेछ।
डिफल्टको प्रभाव नराम्रो हुनेछ
जहाँसम्म अमेरिकाले दायित्व भुक्तान नगर्ने कुरा छ,धेरै अन्तर्राष्ट्रिय एजेन्सीहरूले यसको नराम्रो परिणामको बारेमा चेतावनी दिएका छन्। विश्वको सबैभन्दा ठूलो अर्थतन्त्रले दायित्व चुक्ता गर्न नसक्दा आर्थिक मन्दीको थलोमा उभिएको विश्व अर्थतन्त्रमा ठूलो नकारात्मक असर पर्न सक्छ।
(अनुवादित)