सभापोखरी गाउँपालिका–१ घर भएकी २१ वर्षीया युनाको सोही गाउँकै २३ वर्षीय नन्दराम गदालले हत्या गरेका हुन्। ती युवकले युवतीको हत्या गरेपछि खुकुरी प्रहार गरेपछि आत्महत्याको प्रयास गरेका थिए । उनले आफ्नै पेटमा खुकुरी हानेको प्रहरीले जनाएको छ । हाल उनको जिल्ला अस्पताल खाँदबारीमा उपचार भइरहेको छ। प्रहरीका अनुसार उनका अवस्था गम्भिर रहेको छ ।
युना खाँदबारीमा डेरा गरी बस्दै आएकी थिइन्। हिजो नन्दराम नेपाल प्रहरीको तीन महिनाको तालिम सकेर खाँदबारी फर्केका थिए । बिहीबार नन्दराम युनाकै डेरामा बसेको खुलेको छ ।
बिहान स्थानीयले घटनाबारे थाहा पाएपछि प्रहरीलाई खबर गरेका थिए। घटनाबारे प्रहरीले अनुसन्धान गरिरहेपनि हालसम्म हत्याको कारण खुलिसकेको छैन ।
