अर्थमन्त्री प्रकाशशरण महतले ल्याएको अगामी बर्षको बजेटमा २०० देखि २५० सीसीसम्मका मोटरसाइकल २० प्रतिशत अन्तःशुल्क घटाइएको छ । करको दरमा हेरफेर भएपछि २०० देखि २५० सीसी क्षमताका मोटरसाइकलको मुल्य घट्ने छ ।
जसमा बजाज एन २५०, पल्सर २२०, यामाहा २५०, केटिएम ड्यूक, बेनेली लगायत अधिकांश कम्पनीको मोटरसाइकलको मुल्य घट्ने छ ।
२५० सीसी माथि ४०० सीसीसम्मका मोटरसाइकलमा लगाउँदै आएको सडक निर्माण दस्तुर ३० हजारले घटेको छ । ९० प्रतिशत अन्तःशुल्क लाग्दै आएको अन्तशुल्क घटाएर ६० प्रतिशत कायम गरिएपछि यी सेग्मेन्टका मोटरसाइकलको मूल्य घट्ने भएको हो ।
त्यसैगरी ठूला सीसीका मोटरसाइकलमा पनि कर घटेपछि रोयल इनफिल्ड, केटीएम, हस्कभर्ना, जावा, होन्डाको हाइनेस ३५० लगायतका मोटरसाइकलको मुल्य घट्ने भएको छ ।
