पछिल्लो एक महिनामा टेस्ला कम्पनीको शेयर २५ प्रतिशत बढेको छ। जसका कारण मस्कको नेटवर्थमा वृद्धि देखिएको छ। अर्कोतर्फ बर्नार्ड आर्नल्टको सम्पत्तीमा भने पछिल्लो समय घटेको छ।
३१ मे, २०२३ मा मस्कको कुल सम्पत्ती १.९८ बिलियन डलर बढेको छ। सो वृद्धिपछि मस्कको सम्पत्ती १९२ बिलियन डलर पुगेको छ। सो दिन बर्नार्ड आर्नल्टको सम्पत्ती ५.२५ बिलियन डलर घटेर १८७ बिलियन डलरमा झरेको छ।
मे महिना मस्कका लागि राम्रो साबित भएको छ। सो महिनामा उनको सम्पत्ती २९ बिलियन डलर बढेको छ। मेको सुरुवातमा उनको सम्पत्ती १६३ बिलियन डलर थियो जबकी मे महिनाको अन्त्यमा १९२ बिलियन डलर पुगेको छ। त्यस्तै, सन् २०२३ को पहिलो ५ महिनासम्ममा मस्कको सम्पत्ती ५५.३ बिलियन डलर बढेको छ।
