रियलमीले नेपाली बजारमा ल्यायो नयाँ स्मार्टफोन, मूल्य कति ?

Jun 02, 2023 05:20 PM Merolagani

चिनियाँ कम्पनी रियलमीले नेपाली बजारमा दुई ओटा नयाँ स्मार्टफोन मोडेल सार्वजनिक गरेको छ । कम्पनीले नार्जो एन ५३ र नार्जो एन ५५ स्मार्टफोन नेपाली उपभोक्ताका लागि उपलब्ध गराएको हो ।

रियलमीका अनुसार नार्जो एन ५३ स्मार्टफोन ’एन’ सिरिजको सबैभन्दा पातलो फोन हो । यो फोनमा ३३ वाटको फास्ट चार्जिङ फिचर छ भने ९० हर्ज रिफ्रेसरेट सहितको फुल एचडी प्लस डिस्प्ले उपलब्ध छ ।

त्यस्तै नार्जो एन ५५मा पनि ३३ वाटको फास्ट चार्जिङ सपोर्टसहितको ५००० एमएएच ब्याट्री उपलब्ध छ । फोनमा ६४ मेगापिक्सेलको मुख्य क्यामेरा र ८ मेगापिक्सेलको सेल्फी क्यामेरा छ । यसमा पनि ९० हर्जको रिफ्रेसरेटसहितको फुल एचडी प्लस डिस्प्ले दिइएको छ ।

नेपाली बजारमा यो मोबाइलको मूल्य ए ५३ को १५९९९ (४÷६४) र (६÷१२८)को १८ हजार ९९९ तोकिएको छ ।

त्यस्तै एन ५५ फोन ४ जीबी -याम र ६४ जीबी इन्टर्नल स्टोरेजको मूल्य २० हजार ४९९ रुपैयाँ र ६ जीबी -याम र १२८ जीबी -याम भेरियन्टको मूल्य २४ हजार ४९९ रुपैयाँ तोकिएको छ ।

comments powered by Disqus

न्यून चुक्ता पुँजी र ऋणात्मक इपीएस भएका कम्पनीको शेयर मूल्य उच्च किन ?

Jun 20, 2024 06:16 AM

पछिल्लो समय न्यून चुक्ता पुँजी र नकारात्मक प्रति शेयर आम्दानी भएका कम्पनीको शेयर मूल्य उच्च दरले बढ्न थालेको छ । पछिल्लो समय पालैपालो ट्रेन्डिङमा आएका माइक्रोफाइनान्स, फाइनान्स र हाइड्रोपावर कम्पनीको उच्च मूल्य भएका कम्पनीहरु प्रायः न्यून चुक्ता पुँजी र ऋणात्मक प्रति शेयर आम्दानी भएका कम्पनी नै छन् ।