तीन दिनदेखि जारी नाडा अटोशोमा ६ सय बढी गाडी बुकिङ भएको छ । गत मंगलबारदेखि सुरु भएको नाडा अटो शोमा इन्धनका केहि नयाँ मोडल बाहेक अधिकांश अवलोकनकर्ताको सोधपुछ विद्युतीय गाडीमै रहेको आयोजकले बताएको छ ।

कम्बसन तर्फ सुजुकी जिम्नी, फोनिक्स, निसान म्याग्नाइट तर्फ धेरै भिडभाड छ । त्यस्तै विद्युतीय तर्फ बिवाईडी, सेरेस, टाटामा सबैभन्दा बढी ग्राहक झुमिएका छन् ।

नाडा अटाशोका संयोजक अनुपकुमार बरालले तीन दिनमा करिब ६ सय प्लस गाडी बुकिङ भएको जनकारी दिए । ‘अनुमानित डेटा अनुसार ६ सय हाराहारी इभि र कम्बसन गाडी ग्राहकले बुकिङ गरेको तथ्याङ्क आएको छ’ उनले भने । स्टल अनुसार बुझ्दा बिवाईडी डल्फिन र एटोथ्रि डेढसय हाराहारी बुकिङ भएको छ । त्यस्तै सेरेस १८० ओटा बुकिङ भइसकेको छ । 

नाडा अटोशोको हटकेक मानिएका गाडीको बिक्री र बुकिङ थेगिनसक्नु रहेको अयोजकले जनाएको छ । टाटा टियागो इभिको स्टलमा सबैभन्दा बढी भिडभाड रहेको छ ।

२२ लाख सुरुवाती मुल्य सहित ल्याएको टियागोमा अत्याधिक बुकिङ रहेको कम्पनीले जनाएको छ । यद्दपी एकिन तथ्याङक भने उपलब्ध गराएन ।

नाडा अटोशोको भिडभाड अनुसार बिवाईडी डल्फिन पनि उपभोक्ताले रुचाएको देखिन्छ । ३९ लाख मूल्य तोकेर प्रदर्शन गरिरहेको बिवाईडी डल्फिन कम्पनीको सबैभन्दा सस्तो गाडी हो । यीमध्य नेटा भी, एमजी र ओरालगायतका ब्रान्डमा मानिसको भिड धेरै छ ।

त्यसैगरी दुई पाँग्रे तर्फ विद्युतीय स्कुटरमो सोधपुच्छ धेरै भएपनि खरिद गर्ने कम रहेको व्यवसायी बताउँछन । त्यस बाहेक रोयल इन्फिल्डमा दैनिक चारदेखि पाँच सय भिजिटर आउने गरेका छन् भने टिभिएसमा पनि भिडभाड धेरै छ ।

नाडा अध्यक्ष ध्रुव थापाले नसोचेको भिडभाड भएको बताए । ‘हामीले यति धेरै गाडीको बिषयमा चासो होला भन्ने सोचेको थिइन तर, उपस्थिति धेरै छ,’ उनले भने । थापाले अटोशोले अटो बजार चलाएमान हुने देखिएको बताए ।