शेयर बजारमा लगानी गर्ने लगानीकर्ताले कम्पनीले वितरण गर्ने लाभांशलाई विशेष महत्वका साथ हेर्ने गर्छन् ।
नेपाल स्टक एक्सचेञ्जमा सूचीकृत भएका कम्पनीहरु मध्ये केही कम्पनीले मात्र लाभांश घोषणा गरेका छन् । म्युचुअल फण्डहरुले धमाधम लाभांश घोषणा गरेका छन् । केही फण्डहरुले लाभांश बितरण गरिसकेका छन् भने केही फण्डहरुको लाभांश सुरक्षित गर्ने मिति नजिकिदै छ ।
यस अवधिमा १५ वटा म्युचुअल फण्डहरुले गत आर्थिक वर्षमा गरेको प्रतिफल वितरण गर्ने घोषणा गरेका छन् । फण्डहरु मध्येमा सर्वाधिक धेरै प्रतिफल वितरण गर्नेमा सानिमा इक्वीटी फण्ड रहेको छ । यस फण्डले १८ प्रतिशत लाभांश वितरण गर्ने घोषणा गरेको छ । फण्डको उक्त लाभांश सुरक्षित गर्न असोज १० गते बुधबार भित्र इकाईधनी बनिसक्नु पर्नेछ । सनराइज फष्ट म्युचुअल फण्डले १६ प्रतिशत घोषणा गरेको छ ।
त्यसैगरी, एनएमबी क्यापिटलको व्यवस्थापनमा रहेका दुई एनएमबी हाईब्रिड फण्ड १ र एनएमबी ५० ले १५ प्रतिशत वितरण गर्ने घोषणा गरेका छन् । कुमारी इक्वीटी र एनआईसी एसिया डाइनामीक डेब फण्डको १० प्रतिशत रहेको छ ।
५ वाणिज्य बैंक, एक होटल र एक माइक्रोफाइनान्स कम्पनीले घोषणा गरे लाभांश
नेपाल स्टक एक्स्चेजमा सूचीकृत भएका ५ वाणिज्य बैंक सहित एक होटल र एक माइक्रोफाइनान्स गरी ७ वटा कम्पनीले लाभांश वितरणको घोषणा गरेका छन् । जस मध्येमा सवार्धिक एनआईसी एसिया बैंकले ३०.५२ प्रतिशत प्रतिफल वितरणको घोषणा गरेको छ ।
यस बैंकको लाभांश प्राप्त गर्न इच्छुक लगानीकर्ता असोज १५ गते भित्र शेयरधनी बनिसक्नु पर्नेछ । बैंकले लाभांश वितरण गर्ने तथा वार्षिक साधारणसभा प्रयोजनको लागि असोज १६ गतेदेखि शेयरधनी दर्ता किताब बन्द गर्दैछ ।
सानिमा बैंकको ९ प्रतिशत बोनश तथा ५.७० प्रतिशत नगद, एभरेष्ट बैंक १० प्रतिशत बोनश तथा १०.५३ प्रतिशत नगद, माच्छापुच्छे बैंक १३.३ प्रतिशत बोनश र ०.७० नगद र सिटिजन्स बैंकले ५.२६ प्रतिशत नगद लाभांश वितरण गर्ने घोषाणा गरेका हो । सथै माक्रोफाइनान्स समुहबाट युनिक नेपाल लघुवित्त २० प्रतिशत र हाेटल समूह अन्तरगत ओरेन्टल होटलले ५.२६ प्रतिशत नगद लाभांश घोषणा गरेका छन् ।
उक्त घोषित लाभांश सम्बन्धित कम्पनीकाे वार्षिक साधारण सभाले अनुमोदन गरे पश्चात शेयरधनीले प्राप्त गर्न सक्ने छन् ।
