नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १९ हजार २०० रुपैयाँमा झरेको छ । यसैगरी, तेजाबी सुन प्रतितोला १ लाख १८ हजार ६५० रुपैयाँमा कारोबार भइरहेको छ ।
सोमबार भने सुनको भाउ ऐतिहासिक उचाइ कायम गरेको थियो । हिजो सुन तोलामा ८०० रुपैयाँले महंगिदा प्रतितोला १ लाख २१ हजार ६०० रुपैयाँ पुगेको थियो । यो सुनको भाउमा उच्च दर हो ।
मंगलबार चाँदीको मूल्य पनि ओरालो लागेको छ । आज चाँदी तोलामा नै ४५ रुपैयाँले घट्दा प्रतितोला एक हजार ५०० रुपैयाँमा खरिदबिक्री हुँदैछ ।
अघिल्लो कारोबार दिन भने चाँदीको भाउ स्थिर रहेको थियो । हिजो चाँदी प्रतितोला एक हजार ५४५ रुपैयाँ कायम रहेको थियो ।
