चालु आर्थिक वर्षमा बैंकहरुको ब्याजदर घट्दो क्रममा रहेको उल्लेख गर्दै गत आर्थिक वर्षको असोजमा १०.३४ प्रतिशत रहेको बैंकहरुको आधार दर चालु आर्थिक वर्षको सोहि अवधिमा ९.९४ प्रतिशतमा झरिसकेको बताएको छ। पछिल्लो समय निरन्तर घट्दै गएको कर्जाको ब्याजदर पनि अझै घट्ने राष्ट्र बैंकले जनाएको छ। बैंकहरुले निक्षेपको ब्याजदर घटाउदै लगेकाले कर्जाको ब्याजदर थप घट्ने राष्ट्र बैंकले जनाएको हो।
यसैगरी पछिल्लो समय तरलतामा आएको सुधार र घट्दै गएको ब्याजदरले गर्दा कर्जा प्रवाह बढ्दै जाने बताएको छ। अहिले बैंकहरुमा अधिक तरलता रहेको छ भने ब्याजदर निरन्तर रुपमा घट्दै गएको छ। तर पनि बैंकहरुमा कर्जाको माग धेरै छैन। राष्ट्र बैंकले भने अब कर्जा प्रवाह बढ्दै जाने उल्लेख गरेको छ।
गत आर्थिक वर्षको तुलनामा यस वर्ष कर्जा लगानी बढेको छ। राष्ट्र बैंकको तथ्याँक अनुसार गत आर्थिक वर्षको मंसिर १५ सम्ममा बैंक तथा वित्तीय संस्थाको कर्जा लगानी ६० अर्बले बढेकोमा चालु आर्थिक वर्षको सोहि अवधिमा १ खर्ब २५ अर्ब रुपैयाँले बढेको उल्लेख छ जुन गत वर्षको तुलनामा २ गुण धेरै हो।
मंसिर १५ गतेसम्ममा बैंक तथा वित्तीय संस्थाको औसत सिडि रेशियो ८०.३७ प्रतिशतमा झरेको केन्द्रीय बैंकले जनाएको छ। यसले बैंकहरुमा लगानीयोग्य रकम थुप्रिदै गएको देखाउछ।
