चालु आर्थिक वर्षको पहिलो ६ महिनासम्ममा कम्पनीले विद्युत बिक्रीमार्फत ४९ करोड ९२ लाख रुपैयाँ आम्दानी गरेको छ। यो गत आर्थिक वर्षको सोही अवधिको तुलनामा १.१३ प्रतिशत कम हो। गत आर्थिक वर्षको सोही अवधिसम्ममा कम्पनीले ५० करोड ४९ लाख रुपैयाँ यस्तो आम्दानी गरेको थियो।
विद्युत बिक्री आम्दानी घटेपनि कम्पनीको खुद नाफा भने सामान्य बढेको छ। समीक्षा अवधिमा कम्पनीको खुद नाफा ३.३९ प्रतिशत बढेर ३३ करोड ४१ लाख रुपैयाँ पुगेको छ। वित्तीय खर्च घटेसँगै कम्पनीको खुद नाफा बढ्न पुगेको हो।
समीक्षा अवधिमा कम्पनीको नाफा १.४९ प्रतिशत घटेको छ भने खुद सञ्चालन मुनाफा ३.२४ प्रतिशत घटेको छ। कम्पनीको वित्तीय खर्च भने समीक्षा अवधिमा २०.२९ प्रतिशत घटेको छ।
नाफासँगै कम्पनीको प्रतिशेयर आम्दानी पनि बढेको छ। समीक्षा अवधिमा कम्पनीको यस्तो आम्दानी ७१ पैसा बढेर २१ रुपैयाँ ६३ पैसा पुगेको छ। त्यसैगरी, कम्पनीको प्रतिशेयर नेटवर्थ १८९ रुपैयाँ १० पैसा रहेको छ भने मूल्य आम्दानी अनुपात १७.२९ गुणा रहेको छ।
३ अर्ब ८ करोड ९२ लाख रुपैयाँ चुक्ता पूँजी रहेको यस कम्पनीको रिटेन्ड अर्निङ्ग १ अर्ब ४० करोड २७ लाख रुपैयाँ रहेको छ।
