चालु आर्थिक वर्षको पहिलो ६ महिनासम्ममा कम्पनीले १ करोड ९४ लाख रुपैयाँ विद्युत बिक्री आम्दानी गरेको छ। जुन गत आर्थिक वर्षको सोही अवधिको तुलनामा २.१७ प्रतिशत बढी हो। गत आर्थिक वर्षको सोही अवधिसम्ममा कम्पनीले १ करोड ९० लाख रुपैयाँ यस्तो आम्दानी गरेको थियो।
विद्युत बिक्री आम्दानी बढेपनि कम्पनीको खुद नाफा भने घटेको छ। समीक्षा अवधिमा कम्पनीको खुद नाफा ५.९५ प्रतिशत घटेर ८३ लाख २० हजार रुपैयाँमा सीमित भएको छ। समीक्षा अवधिमा कम्पनीको
कुल नाफा ४.७८ प्रतिशत घटेको छ भने सञ्चालन मुनाफा ५.६५ प्रतिशत घटेको छ।
समीक्षा अवधिमा कम्पनीको प्रतिशेयर आम्दानी २ रुपैयाँ १० पैसा घटेर १२ रुपैयाँ ४१ पैसामा झरेको छ। पुस मसान्तसम्ममा कम्पनीको प्रतिशेयर नेटवर्थ १४१ रुपैयाँ ७६ पैसा रहेको छ भने मूल्य आम्दानी अनुपात १३२.९२ गुणा रहेको छ।
१३ करोड ४० लाख रुपैयाँ चुक्ता पूँजी रहेको यस कम्पनीको जगेडा कोषमा ५ करोड ५९ लाख रुपैयाँ सञ्चित छ।
