उन्नति सहकार्य लघुवित्तको नाफामा के दबाव पर्यो ?

Feb 11, 2024 11:05 AM Merolagani

उन्नति सहकार्य लघुवित्त वित्तीय संस्था लिमिटेड(USLB)ले चालु आर्थिक वर्षको दोस्रो त्रैमाससम्मकाे अपरिष्कृत वित्तीय विवरण सार्वजनिक गरेको छ । सार्वजनिक गरेको विवरण अनुसार लघुवित्तको नाफा घटेको छ ।

चालु आर्थिक वर्षको पुस मसान्तसम्ममा लघुवित्तले २४ लाख रुपैयाँले खुद नाफा आर्जन गरेको छ । यो गत आर्थिक वर्षको यसै अवधिको तुलनामा २३ लाख ९५ हजार रुपैयाँले कम हो ।

गत वर्षको यसै अवधिसम्ममा लघुवित्तले ८४ लाख ८९ हजार रुपैयाँ नाफा आर्जन गरेको थियो । खुद ब्याज आम्दानीसँगै सञ्चालन आम्दानी घट्दा लघुवित्तको नाफा घटेको हो ।

पुस मसान्तसम्ममा लघुवित्तको खुद ब्याज आम्दानी ८ करोड ६ लाख रुपैयाँ रहेको छ । यो गत वर्षको यसै अवधिको तुलनामा एक करोड ४६ लाख रुपैयाँ कम हो । सार्वजनिक गरेको वित्तीय विवरण अनुसार लघुवित्तको इम्पेरमेन्ट चार्ज ४९ लाख १५ हजार रुपैयाँ रहेको छ । यस अवधिमा लघुवित्तको सञ्चालन नाफा ३५ लाख ६२ हजार रुपैयाँ छ ।

२४ करोड ६८ लाख रुपैयाँ चुक्ता पुँजी रहेको लघुवित्तको जगेडा कोषमा ८ करोड १९ लाख रुपैयाँ सञ्चित छ । पुस मसान्तसम्ममा एक अर्ब ९ करोड ९२ लाख रुपैयाँ निक्षेप संकलन गरेको लघुवित्तले अन्य बैंक तथा वित्तीय संस्थाबाट ऋण लिएर तीन अर्ब ५० करोड ७० लाख रुपैयाँ कर्जा परिचालन गरेको छ ।

लघुवित्तको प्रतिशेयर आम्दानी २ रुपैयाँ २ पैसा कायम छ भने प्रतिशेयर नेटवर्थ १३० रुपैयाँ ९८ पैसा छ ।

comments powered by Disqus

राष्ट्र बैंक र एनआरएनलाई एक साता भित्र घर खाली गरिदिन बालेनको उर्दी, नमाने डोजर चलाउने

Feb 21, 2024 05:17 PM

काठमाडौं महानगरपालिकाले ललिता निवास क्षेत्रमा रहेका व्यक्ति, कम्पनी तथा संघ संस्थाहरूलाई सात दिन भित्र भौतिक रुपमा सो क्षेत्रबाट हट्न बुधबार सूचना जारी गरेको छ ।