नेपाल सुनचाँदी व्यवसायी महासंघका अनुसार आज तेजाबी सुन प्रतितोला एक लाख १७ हजार ४५० रुपैयाँमा कारोबार हुँदैछ । आइतबार भने सुनको भाउमा गिरावट देखिएको थियो । हिजो सुन तोलामा ५०० रुपैयाँले सस्तिएको थियो ।
सुनको मूल्य स्थिर रहेपनि चाँदीको मूल्य भने आज उकालो लागेको छ । सोमबार चाँदी तोलामा पाँच रुपैयाँले वृद्धि हुँदा प्रतितोला एक हजार ३९५ रुपैयाँमा खरिदबिक्री भइरहेको छ ।
अघिल्लो कारोबार दिन, चाँदीको मूल्य स्थिर रहेको थियो । हिजो चाँदी प्रतितोला एक हजार ३९० रुपैयाँमा किनबेच भएको थियो ।
