बिहीबार रौतहटको ईशनाथ नगरपालिकाको मोतिपूरमा भएको दुई पक्ष बीच विवाद र झडप भएकाे विषयलाई लिएर वीरगञ्जमा आज सोमबार विराेध जुलुसकाे क्रममा विवाद र झडप भएको थियो । साे झडपले सर्वसाधारणकाे सुरक्षामा पर्न सक्ने सम्भावित जाेखिम एवंम शान्ति भंग हुन जाने स्थिति देखिएकाे भन्दै वीगंज नगरपालिकामा कर्फ्यू जारी गरिएकाे जिल्ला प्रशासन कार्यालयले जनाएकाे छ ।
प्रमुख जिल्ला अधिकारी दिनेश सागर भुसालले जारी गरेको विज्ञप्तिमा ती क्षेत्रभित्र आवत जावत गर्न, भेला हुन,बाहिर हिँडडुल गर्न, जुलुश प्रदर्शन गर्न, घेराउ -याली गर्न तथा अन्य कुनै प्रकारकाे उच्छृङ्खल गतिविधि गर्न नपाउने व्यवस्था गरेका छन् । उक्त आदेशकाे उलङ्घन गरेमा कानून बमाेजिम कडा कारवाही हुने समेत चेतावनी दिइएकाे छ ।
