नेपालमा रिसोर्ट समेत सञ्चालन गर्दै आएका खड्कालाई सत्तारूढ नेपाली कांग्रेसका नेता गणेश लामा समूहलेबन्धक बनाइ फिरौतीस्वरूप सो कागजात गराएको पाइएको हो । बुधबार सामाजिक सञ्जालमा विज्ञप्ती सार्वजनिक गर्दै ८ घण्टा बन्धक बनाएर २० करोड फिरौती मागेको बताएका छन्।
खडकाले एक विज्ञप्ति जारी गर्दै सो समूहको आपराधिक कार्यको गरेको बताएका छन । खडकाका अनुसार लामा समुहले २०८० साल पुष २३ गते ललितपुर जिल्ला धोलाहिटी आदर्सटोलबाट अपहरण गरी सानेपा स्थित लण्डन हाउस होटलमा लगेर ८ घन्टा भन्दा बढी कोठामा थुनेर बन्धक बनाइ धम्की र त्रास बिच करकापमा फिरौती स्वरुप करोडौंको लेनदेनको कागज गरेको बताएका छन ।
खडकाले जारी गरेको बिज्ञप्तिमा भनिएको छ,‘डकैतहरुलाई पैसामोह भए जस्तै हामीलाई ज्यानको सुरक्षा महत्वपूर्ण भएकाले समयमै सार्वजनिक गर्न सकिएन । यहाँबाट निस्केर घरपरिवारलाई भनिस्, पुलिसकोमा गइस् भने राम्रो हुँदैन भनेर त्रसित गरेकाले दिमागी रुपमा समेत ठूलो असर परेको छ ।पहिले आफू र परिवार सुरक्षित स्थानमा हुनु र अपराधीलाई कानूनी कठघरामा उभ्याउनु मेरो प्रमुख प्राथमिकता थियो । त्यसैले आज सबै कानूनी प्रक्रिया सकेपछि हिम्मत जुटाएर यो लेख्दैछु ।’
