साथै उक्त अवधिमा नहटेमा महानगरपालिकाले आफैहटाउने चेतावनी पनि सो सूचनामा दिएको छ । महानगरले जारी गरेको यो सूचना नेपाल राष्ट्र बैंक, गैरआवासीय नेपाली संघ (एनआरएन) र भाटभटेनी डिपार्टमेन्टललाई लक्षित गरिएको स्पष्ट छ । किनकी ललिता निवास भित्रका मुख्य भौतिक संरचना ती तिनबाट निकायका छन् ।
सो सूचना अनुसार त्यहाँ भित्र कार्यालय रहेका ती निकाय र कम्पनीहरुले आउंदो बुधबार भित्र कार्यालय खाली गरिसक्नु पर्छ । विस २०७२ को भूकम्पपछि नेपाल राष्ट्र बैंकका बालुवाटार र थापाथलीको भवन भत्किएपछि केही विभाग ललिता निवास भित्र रहेको एनआरएन भवनका विभिन्नफ्लाट भाडामा लिएर राखिएको छ । अहिले नेपाल राष्ट्र बैंकको केन्द्रीय कार्यालय बालुवाटार र बैंकिङ कार्यालय थापाथलीको भवन निर्माणको क्रम चलिरहेको छ । बाहिरी भागको निर्माण कार्य लगभग सकिए पनि भित्री भागको डेकोरेसन र फर्निसिङ बाँकी रहेकाले सबै विभागहरु आफ्नै भवनमा सार्न कम्तीमा एक वर्ष लाग्ने नेपाल राष्ट्र बैंकका अधिकारीहरु बताउँछन् ।
यस्तो अवस्थामा एक साता भित्र त्यहाँको अफिस खाली गर्न सकिने संभावना नै छैन । तर, हठी स्वभावका मेयर बालेनको उर्दी पछि अब के होला ? नेपाल राष्ट्र बैंककै अधिकारीहरु अलमलमा परेका छन् । उनीहरु गभर्नर मार्फत सरकारसँग अनुरोध गरेर केही महिनापछि घर खाली गरिदिन पहल गर्ने बताइरहेका छन् । तर, यो कुरा बालेनले मान्लान कि नमाल्लान ? अहिले नै भन्न सकिने अवस्था छैन ।
स्वंय घर धनी एनआरएनलाई पनि आफ्नो घर छाडेर अन्यत्र भाडामा जानुपर्ने अवस्था आइलागेको छ । तर उस्ले पनि नयाँ कार्यालय टुंगो नलागि एक साताकै अवधिमा घर छोडिदिन संभव नभएकोले महानगरलाई औपचारिक रुपमा अनुरोध गर्ने तयारी गरिरहेको छ । त्यस्तै अवस्था भाटभटेनी डिपार्टमेण्ट स्टोरको पनि रहेको छ ।
