यसदिन बजार झिनाे अंकले सकारात्मक भएको छ । नेप्से सूचक ०.८५ अंकले बढेर २६७५.६२ विन्दुमा छ । पछिल्ला दिनमा कारोबार रकम निरन्तर घटेको छ । आजको बजारमा करीव ६ अर्ब ५२ करोडको मात्रै शेयर खरिदबिक्री भएको हो ।
केन्द्रीय बैंकले शेयर धितो कर्जाको जोखिमभार घटाउँदा समेत बजारले गति लिन सकेन । यही बीचमा बजारमा पुँजीगत लाभकर वृद्धि हुने हल्लाले लगानीकर्ताहरु त्रसित भएका छन् । शेयर बजारका लगानीकर्ता पुँजीगत लाभकरलाई नै अन्तिम करको व्यवस्था ऐनमा नै गर्नु पर्नेमा जोड दिँदै आएका छन् ।
सरकारले करको दर बढाउने भन्दा पनि दायरा बढाउने र बजारमा डिमाण्ड बढाउने नीति ल्याउनु पर्ने लगानीकर्ता विनोद बजगाँई बताउँछन् ।
