भौतिक पूर्वाधार तथा यातायात मन्त्रालय अन्तर्गत सडक विभाग मातहतको झन्डै १५ हजार किलोमिटर सडकको मर्मत सम्भार गर्न उक्त बजेट रकम विनियोजन भएको हो ।
आगामी आवका लागि ४ अर्ब ३८ करोड रुपैयाँ देशभरका सडकको मर्मत,सुधार गर्न बजेट प्राप्त भएको विभागका प्रवक्ता प्रभातकुमार झाले बताए । उनका अनुसार, सडक विभागले गर्ने नियमित, पटके र भैपरि आउने सडकको मर्मत सम्भारकार्य हरेक वर्ष गर्ने गरेको छ ।
आगामी वर्षका लागि विभागले १० अर्ब रुपैयाँ सडक मर्मत सम्भारका लागि माग गरिए पनि ४ अर्ब ३८ करोड रुपैयाँको मात्र सुनिश्चितता भएको उनले बताए । विभागले बर्खायाम सुरु भएसँगै आइपर्ने बाढी, पहिरो र डुवानका कारण सडक अवरुद्ध हुने र सडक बिच्छेद हुनेबित्तिकै सडक सुचारु गरिहाल्ने गरी टोली परिचालन गर्ने झाले बताए ।
