आयोजनाका अनुसार, आइतबार साँझको वर्षाका कारण आएको बाढीले बाँध र हेडवक्स क्षेत्रमा क्षति पुगेको हो ।
भिजन इनर्जी एण्ड पावर लिमिटेडको प्रवर्द्धनमा निर्माणाधीन उक्त जलविदुत् आयोजना निर्माणको अन्तिम चरणमा थियो । आगामी २०८२ साउन मसान्तसम्म आयोजनाबाट व्यवसायिक रुपमा विद्युत् उत्पादन गर्ने लक्ष्य लिए पनि बाढीका कारण आयोजनामा क्षति हुँदा आयोजना ३ महिना पछि धकेलिएको छ ।
क्षतिग्रस्त संरचनाको पुनर्निमाण गरेर आयोजनाबाट विद्युत् उत्पादन गरिनेछ । त्यस्तै बाढीका कारण दोलखाको जिरी नगरपालिका २ मा रहेको झाक्रे खोला जलविद्युत् केन्द्रको पावरहाउसमा बाढीले क्षति पुर्याएको छ । ६३५ किलोवाट क्षमताको उक्त जलविद्युत् आयोजनाको विद्यृतगृहमा माथिबाट पहिरो आउँदा क्षति भएको हो ।
