जसअनुसार, १८ जना सम्पर्कविहीन रहेका छन् । सम्पर्कविहीनमध्ये ३ जना प्रहरी कर्मचारी, ६ जना चिनिँया नागरिक रहेका छन् । त्यस्तै,प्रहरी र सेनाको सहयोगमा ९ जनाको उद्धार गरिएको छ । २ जना सुरक्षाकर्मी र ७ जना सर्वसाधारण नागरिकको उद्धार भएको नेपाल प्रहरीले जनाएको छ ।
त्यस्तै, बाढीका कारण बेपत्ता भएकाको खोजीकार्य तीव्र रुपमा भइरहेको छ । हालसम्म १२० जना प्रहरीहरु रसुवा बाढीमा परिचालित भएका छन् ।
प्रहरीका अनुसार, नेपाल र चीन जोड्ने नाका मितेरी पुल बाढीले बगाएको छ । जसका कारण सडकमार्ग अवरुद्ध छ । त्यस्तै कतिपय विद्युत्तीय चार्जिङ स्टेशनमा क्षति पुगेको,जलविद्युत् आयोजनामा क्षति पुगेको,सयभन्दा बढी मालबाहक गाडी बगाएको छ । बाढीका कारण धुन्चेदेखि टिमुरेसम्म जोड्ने सडकमार्ग समेत अवरुद्ध भएको प्रहरीले जनाएको छ ।
१११ मेगावाटको रसुवागढी, त्रिशुली ३ बी, त्रिशुली सवस्टेशनलगायतका आयोजनामा समेत बाढीले क्षति पुर्याएको छ ।
