विहीबार नेप्से ४.८० अंकले बढेर १५५९.४९ विन्दुमा पुगेको छ । कारोबारमाविमा बाहेकका सबै समूह सकारात्मक रहेपछि बजार बढेको हो । यसदिन १३९ कम्पनीको ६७ करोड १८ लाख रुपैयाँ बराबरको सेयर किनबेच भयो । कारोबार रकम अघिल्लो दिनको भन्दा २१ करोड बढी हो ।
यसदिन विमा समूह ३३ अंकले ओरालो लागेको छ । होटल,विकास बैंक, जलविद्युतको सूचक दोहोरो अंकले बढ्दा वाणिज्य बैंक, वित्त, उत्पादन र अन्य समूह एकल अंकले उकालो लागेका छन ।
विहीबारको सेयरबजारमा प्रभु बैंकको संस्थापक सेयर मात्रै १४ करोड बढीको कारोबार भयो । त्यस्तै एभरेष्ट बैंकको चार करोड बढीको सेयर किनबेच भयो ।
यसदिन युनाईटेड फाइनान्सको सेयरमूल्य सबैभन्दा धेरै ६ प्रतिशत बढीले उकालो लागेको छ । एभरेष्ट बैंक र गुडविल फाइनान्सको सेयरमूल्य पनि चार प्रतिशत बढीले उकालो लागेको छ ।
साताको अन्तिम दिनको कारोबारमा सप्तकोशी डेभलपमेन्ट बैंकको सेयरमूल्य सबैभन्दा धेरै ६ प्रतिशतले ओरालो लागेको छ । त्यस्तै एभरेष्ट बैंक संस्थापक, ग्रिन डेभलपमेन्ट बैंक, सिन्धु विकास लगायतका कम्पनीको सेयरमूल्य सेयरमूल्य घटेको छ ।
नेप्सेमा सुचिकृत भयो सवा चार करोड कित्ता सेयर, कुन कम्पनीको कति ?
सेञ्चुरी बैंकको ६५ लाख ५६ हजार कित्ता सेयर नेप्सेमा सूचिकृत
