मेरोलगानीसँगको कुराकानीमा नेप्सेका प्रवक्ता मुराहरी पराजुलीलले भने, ‘वाइकोले भदौसम्ममा अनलाइनले कसरी काम गर्छ भन्ने प्रष्ट चित्र सहितको बिस्तृत खाका हामीलाई बुझाउँछ । १४ महिनामा अनलाइन प्रणाली निर्माण सक्ने सम्झौता अनुसार कात्तिकमा उक्त खाका अनुसारको प्रणाली हामीलाई हस्तान्तरण गर्छ ।’
नेप्से प्रवक्ता पराजुलीका अनुसार कात्तिकमा प्रणाली पाए पछि बल्ल परिक्षण सुरु हुनेछ । सबै ब्रोकरमार्फत कारोबार चाप लगायत अन्य परिक्षण गर्ने काम केही समय चल्ने उनले बताए । सबै किसिमका परीक्षण पश्चात कुनै समस्या उत्पन्न हुँदैन भन्ने निश्चित भए पछि मात्र अनलाइन कारोबार प्रणाली कार्यान्वायनमा आउने उनले जानकारी दिए ।
कात्तिक २१ देखि अनलाइन आउने भनेर यस अघि भनिए अनुसार नै उक्त मितिबाट परीक्षण सुरु हुने उनको भनाई छ । परीक्षण कहिलेसम्म चल्छ भन्न अहिले नै यकिन हुन नसक्ने बताइएको छ ।
अनलाइन कारोबार प्रणालीका सम्बन्धमा नेप्से प्रवक्ता पराजुलीको भनाई बिस्तृतमा भिडियोमा हेर्नुहोस् ।