प्रदर्शनीका लागि सबै तयारी पुरा भैसकेको छ । सहभागि संस्थाहरु भने आफ्नो स्टलको सजावटमा अझै पनि व्यस्त छन् ।
एक्स्पोको बुधबार बिहान अर्थमन्त्री डा. युवराज खतिवडाले उद्घाटन गर्दैछन् । एक्स्पोमा १७० स्टल रहने धितोपत्र बोर्डले जनाएको छ ।
नेपालको सेयर बजारका सम्बन्धमा सक्रिय रुपमा समाचार सम्प्रेषण तथा तालिमहरु आयोजना गर्दै आएको मेरोलगानी डटकमले एक्स्पोमा १०१ नम्बर स्टल अवलोकन गर्नेहरुलाई १ हजार रुपैंया बराबरको गिफ्ट भौचर बितरण गर्ने भएको छ ।
मेरोलगानी डटकमको स्टल अवलोकनका क्रममा बजारका साथै मेरोलगानीले दिने सेवाका बारेमा जानकारी सहित एक हजार रुपैयाँ बराबरको गिफ्ट भौचर लक्की ड्रमार्फत १ सय जनालाई बितरण गरिनेछ ।
यसका लागि तपाईले मेरोलगानीको स्टलमा आफ्नो नाम, सम्पर्क नम्बर र इमेल आईडि सहित दर्ता गर्नुपर्ने हुन्छ ।
उक्त गिफ्ट भौचर मेरोलगानीका उत्पादनहरु पोर्टफोलियो ट्र्याकिगं, डाटा एनालिटिक्स, न्युजलेटर, प्राविधिक तथा आधारभुत सेयर तालिम तथा दैनिक सेयर कारोबारको डाटा खरिद गर्दा उपयोग गर्न सक्ने छन् ।
सेयर बजारका बारेमा सचेतना बढाउँदै लगानीकर्ताको उत्साह बढाउन पहिलो पटक क्यापिटल एक्स्पो आयोजना गरिएको हो । तपाई सेयर बजारका बारेमा जानकारी लिन अनि सम्बद्ध पक्षहरुसँग चिनजान गर्न चाहनु हुन्छ भने यो एक्स्पो उचित गन्तव्य हुन सक्छ ।
नेप्से, सिडीएस एण्ड क्लियरिङ लिमिटेड, ब्रोकर कम्पनी, मर्चेन्ट बैंकर, क्रेडिट रेटिङ एजेन्सी लगायतले एक्स्पोमा सहभागि हुने लगानीकर्ता तथा अन्य अवलोकनकर्तालाई बजारका बारेमा जानकारी प्रदान गर्ने छन् । एक्स्पोमा धितोपत्र सम्बन्धी अध्ययन सामाग्री निःशुल्क प्रदान गरिने छ ।
