नेपालमा पूँजी बजारको इतिहास लामो भएपनि आम जन–सहभागिताको हिसाबले अझैपनि धेरै ग्रामिण क्षेत्रका जनता यस विषयमा अनविज्ञ छन् । राजधानीमै पनि यसबारे प्रयाप्त ज्ञानकाे, अभाव देखियाे । जसले गर्दा प्रदर्शनीमा पूँजीबजार बारे चासाे राख्ने विभिन्न पेशा, व्यवसाय गरेका देखि सरकारी कर्मचारी, शिक्षक तथा विद्यार्थीहरुको समेत एक्स्पोमा उल्लेख्य सहभागिता रह्यो ।
यसै सर्दभमा मेरोलगानीले प्रदर्शनी स्थलमा अवलोकन गर्न आएका व्यक्तिहरुसँग कुराकानी गरेको छ ।उनीहरूसँग गरेकाे कुराकानी सारांश :-
भर्खर मात्र दश जोड दुई पढ्दै गरेका सबिन भट्टराईले सेयर मार्केट सम्बन्धमा कसरी अगाडि बढ्ने विषयमा विस्तृत जानकारी लिनका लागि प्रदर्शनीमा आएको बताए । उनले आफूले सेयर बजार सम्बन्धि समाचार हेर्ने गरेपनि लगानी गर्दा कसरी गर्ने भन्ने जानकारी प्रदर्शनीमा पाएकोमा खुशी व्यक्त गरे ।
अर्का लगानीकर्ता चन्द्र प्रसाद पौड्यालले आफुले सेयर बजारमा कारोबार गर्दे आएपनि अब सेयर सम्बन्धी तालिम पनि लिनुपर्ने आवश्यकता महसुस गरेर एक्स्पोमा आएको बताए ।
अन्य एक्स्पोहरु धेरै आयोजना हुने गरेपनि पूँजीबजार प्रदर्शनी पहिलो पटक आयोजना भएकाले के रहेछ बुझ्न आएको सिर्जना खड्का बताउँछिन् । एक्स्पोको धेरै चाख भएर सेयर मार्केट सम्बन्धी बुझ्न आफु प्रदर्शनी स्थलसम्म आएको बताउँदै उनले धेरै कम्पनीको सेवा सम्बन्धी ब्रोसरहरु लिएकाले अध्यन गरेर उत्कृष्ट सेवा प्रदान गर्ने संस्था छनोट गर्ने बताइन् ।
समशेर लामा आफु दुई तीन पटक वैदेशिक रोजगारमा गएर कमाएको रकम पूँजी बजारमा कसरी सुरक्षित लगानी गर्ने भन्ने बुझ्न एक्स्पोमा आएको बताउँछन् । उनले कृषि कार्यका गर्न जनशक्ति अभावका कारण दुख गरेर आर्जेको रकम पूँजी बजारका कम्पनीमा गर्न आधारभुत र अवस्थाको बारेमा जानकारी लिने उदेश्यका साथ प्रदर्शनीस्थल आएको बताए । मेरोलगानीको तालिममा पाइने अफर आफुलाई एक्स्पोको ठूलो प्राप्ती भएको उनले भनाइ छ ।
नाम खुलाउन नचाहने एक महिलाले आफुलाई डिम्याट कसरि खोल्ने भन्ने बारेमा जान्ने उत्सुकता मेटाउन प्रदर्शनी स्थल आएपनि धेरै भिडभाडका कारण आफुले उपलब्धी मूलक जानकारी पाउन नसकेको बताइन् ।
मानिसहरुमा पूँजी बजार छोटो समयमा लगानी गरी छिटो नाफा आर्जन गर्ने क्षेत्र भन्ने बुझाइको विकास भएको अवस्थामा यस प्रदर्शनीले व्यक्तिहरुको सोच फराकिलो बनाउन सघाउ पुग्ने राजन ओलीले बताए ।
प्रदर्शनीमा आएका नबिन चन्द्र पौड्यालले पूँजी बजार प्रदर्शनीले बजारको बारेमा जानकारी गराई व्यक्तिहरुलाई लगानी गर्ने वातावरणको अवसर प्रदान गरेको बताउँछन् ।
दुई दिने प्रदर्शनीमा अबलोकनकर्ताले अनलाईन प्रणालीको बारेका धेरै जानकारी पाएको सुमेरु ब्रोकरका प्रबन्ध निर्देशक प्रेम अग्रवालले भने प्रदर्शनीले लगानीकतालाई एकै ठाउँबाट ब्रोकरहसँग प्रत्यक्ष कुरा गरी मूल्याङ्कन गर्न पाएका छन् । उनले यस किसिमको प्रदर्शनी धेरै बर्ष अगाडि गर्नुपर्ने बताउँदै प्रदर्शनी उपलब्धी मुलक भएको बताए ।
अहिले पनि पूँजी बजारका अधिकांश लगानीकर्ता काठमाडौं केन्द्रीत रहेको र निश्चित समुहहरु मात्र पूँजी बजारमा हाबी रहेको अहिले अवस्थाबाट मुक्त गराउन पनि यस्ता सचेतनामूलक प्रदशनीहरु राजधानीबाहिर पनि हुनुपर्ने आवश्यकता देखिन्छ ।
