अर्थमन्त्रीले डा. युवराज खतिवडाले बुधबार उद्घाटन गरेका एक्स्पो पूँजी बजारसँग सम्बन्धित संघ संस्थाका अतिरिक्त लगानीकर्ताको खचाखच भिडले भरिएकाे छ । सेयर बजारका बारेमा सचेतना बढाउँदै लगानीकर्ताको उत्साह बढाउन पहिलो पटक भृकुटीमण्डप काठमाडाैंमा क्यापिटल एक्स्पो आयोजना गरिएको हो ।
१७० स्टल रहेको एक्स्पोमा मेरोलगानीले १०१ नम्बर स्टल राखेर सहभागिता जनाएको छ । मेरोलगानी डटकमको सहभागिता जनाएका अवलाेकनकर्तालार्इ स्टल अवलोकनका क्रममा बजारका सूचना तथा जानकारी मेरोलगानीले प्रदान गरिरहेकाे छ । साथै लक्की ड्र मार्फत एक हजार रुपैयाँ बराबरको गिफ्ट भौचर १ सय जनालाई बितरण गर्नेछ ।
उक्त गिफ्ट भौचर मेरोलगानीका उत्पादनहरु पोर्टफोलियो ट्र्याकिङ्ग, डाटा एनालिटिक्स, न्युजलेटर, प्राविधिक तथा आधारभुत सेयर तालिम तथा दैनिक सेयर कारोबारको डाटा खरिद गर्दा उपयोग गर्न सक्नेछन् ।
नेपालको सेयर बजारका विकृति विसङ्गतिमाथि आवाज उठाउँदै सक्रिय रुपमा समाचार सम्प्रेषण तथा तालिमहरु आयोजना गर्दै संस्थाले मेरोलगानी डटकमले पूँजी बजारको ज्ञान र लगानीकर्ता सचेतनामा आफ्ना सूचना प्रवाह गर्दे आइरहेको छ ।
नेप्से, सिडीएस एण्ड क्लियरिङ लिमिटेड, ब्रोकर कम्पनी, मर्चेन्ट बैंकर, क्रेडिट रेटिङ एजेन्सी लगायतले एक्स्पोमा सहभागिता रहेको छ ।
प्रदर्शनी सेयर बजारका बारेमा जानकारी लिन अनि सम्बद्ध पक्षहरुसँग चिनजान गर्न चाहनु हुन्छ भने यो एक्स्पो उचित गन्तव्य हुन सक्छ । एक्स्पोमा धितोपत्र सम्बन्धी अध्ययन सामाग्री निःशुल्क प्रदान पाइने छ ।